ચક્રવાત તોફાન ‘અમ્ફાન‘ ભારતમાં ઓડિશા અને પશ્ચિમ બંગાળમાં વિનાશ લાવી શકે છે. હવામાન વિભાગનો અંદાજ છે કે ‘અમ્ફાન‘ પશ્ચિમ બંગાળનાં દિઘા અને બાંગ્લાદેશનાં હટિયા આઇલેન્ડ વચ્ચે 20 મે નાં રોજ ખૂબ જ તીવ્ર ચક્રવાત વાવાઝોડા તરીકે પશ્ચિમ બંગાળ-બાંગ્લાદેશ દરિયાકાંઠેથી પસાર થશે. ‘અમ્ફાન‘ નાં જોખમ અંગે એક ટ્વીટ કરીને કોંગ્રેસ નેતા રાહુલ ગાંધીએ પશ્ચિમ બંગાળ અને ઓરિસ્સાનાં કોંગ્રેસ કાર્યકરોને લોકોને વાવાઝોડાનાં ભય વિશે ચેતવણી આપવા અને સલામત સ્થળે પહોંચવામાં મદદ કરવા અપીલ કરી છે.
કોંગ્રેસનાં પૂર્વ અધ્યક્ષ રાહુલ ગાંધીએ પોતાના ટ્વિટમાં લખ્યું છે કે, કોરોના સંકટ વચ્ચે દેશમાં ‘અમ્ફાન‘ તોફાન આવી રહ્યું છે. હું પશ્ચિમ બંગાળ અને ઓડિશાનાં તમામ કોંગ્રેસ કાર્યકરોને અપીલ કરું છું કે તેઓ આસપાસનાં લોકોને ભયથી ચેતવે અને લોકોને સુરક્ષિત સ્થળોએ લાવવામાં મદદ કરે. તમે દરેક સુરક્ષિત રહો.
कोरोना संकट के बीच ‘अम्फान’ तूफान देश में आ रहा है।मैं पश्चिम बंगाल और ओडिशा के सभी कांग्रेस कार्यकर्ताओं से अपील करता हूं कि वे अपने आसपास के लोगों को खतरे की चेतावनी दें और लोगों को सुरक्षित स्थानों पर पहुंचाने में मदद करे।
आप सभी सुरक्षित रहें।#AmphanCyclone pic.twitter.com/SNap06gHu9
— Rahul Gandhi (@RahulGandhi) May 19, 2020
હવામાન વિભાગનાં જણાવ્યા અનુસાર, કિનારાથી અથડાયા પહેલા તેની તીવ્રતા ઓછી રહેશે અને પવનની ગતિ 155 થી 165 કિ.મી. પ્રતિ કલાક સુધી બની રહેશે, જે થોડા કલાકોમાં 180 કિ.મી.ની ઝડપે પહોંચી શકે છે. હવામાન વિભાગે જણાવ્યું છે કે, પશ્ચિમ મધ્ય અને તેની બાજુમાં પૂર્વ-મધ્ય બંગાળનાં અખાત ઉપર 240 થી 250 કિમી પ્રતિ કલાકની ઝડપે વાવાઝોડાની સ્થિતિ સર્જાઇ રહી છે. સાથે એમ પણ કહ્યું હતું કે મંગળવારે સાંજ સુધીમાં આ ગતિ પ્રતિ કલાક 200 થી 210 કિ.મી. થઈ જશે, જેમાં કલાકનાં 230 કિ.મી.નાં ઝડપી પવન ફૂકાઇ શકે છે.
અમ્ફાન પશ્ચિમ બંગાળનાં કોલકાતા જિલ્લા, પૂર્વ મિદનાપુર, ઉત્તર-દક્ષિણ 24 પરગણા, હાવડા, હુગલી કોલકાતા જિલ્લામાંથી પસાર થશે. તે અહીનાં કાચા મકાનો, જુના પાકા મકાનો, ઉડતી ચીજો, રેલ્વે, પાટા, રસ્તાનાં પાક, બગીચા, છોડ, નાળિયેરનાં ઝાડ, મોટા વૃક્ષો, મોટા વહાણો, બોટ, ઇલેક્ટ્રિક થાંભલા, વાયરોને ભારે નુકસાન પહોંચાડી શકે છે. આજ રીતે, ઓડિશામાં, આ દરિયાકાંઠાનું શહેર જગતસિંહપુર, કેન્દ્રપાડા, ભદ્રક, બાલાસોર, જાજપુર, મયુરભંજ વિસ્તારમાંથી પસાર થશે. હવામાન વિભાગે પશ્ચિમ બંગાળ માટે “ઓરેન્જ” ચેતવણી જારી કરી છે અને ચેતવણી આપી છે કે કોલકાતા, હુગલી, હાવડા, દક્ષિણ અને ઉત્તર 24 પરગણા અને પૂર્વ મિદનાપુર જિલ્લામાં વ્યાપક નુકસાન થઈ શકે છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
