કેનેડાએ G-20 સમિટ પહેલા ભારત સાથે છેલ્લા ઘણા સમયથી ચાલી રહેલી વેપાર મંત્રણા પર રોક લગાવી દીધી છે. પીએમ જસ્ટિન ટ્રુડોની સરકારે ગયા મહિને ભારત સાથેની વેપાર મંત્રણા પર રોક લગાવવા કહ્યું હતું. કારણ કે કેનેડાના નેતા G-20 નેતાઓના જૂથની સમિટ માટે નવી દિલ્હીની મુસાફરી કરવાની તૈયારી કરી રહ્યા છે. કેનેડામાં ભારતના હાઈ કમિશનર સંજય કુમાર વર્માએ પુષ્ટિ કરી છે કે પીએમ ટ્રુડોની ટીમે પ્રતિબંધની શરૂઆત કરી હતી, જેની જાણ કેનેડિયન મીડિયા દ્વારા શુક્રવારે કરવામાં આવી હતી.
એક મીડિયા રિપોર્ટ અનુસાર, સંજય કુમાર વર્માને એક ઈમેલ દ્વારા કહેવામાં આવ્યું હતું કે,”કેનેડિયન પક્ષે ભારત સાથે ઝડપી ગતિશીલ વેપાર કરાર પર ઝડપથી ચાલી રહેલી મંત્રણા પર ‘રોક’ લગાવવા સૂચવ્યું છે. જોકે, મને ચોક્કસ કારણ વિશે માહિતી નથી. પરંતુ સંભવતઃ આ ‘રોક’ હિતધારકો સાથે વધુ પરામર્શની મંજૂરી આપશે.”
વેપાર મંત્રણા રોકનું કારણ આ છે
કેનેડાના પીએમ ટ્રુડોની આગામી ભારત મુલાકાત અંગેની બ્રીફિંગમાં એક સરકારી અધિકારીએ પત્રકારોને જણાવ્યું હતું કે, વેપાર મંત્રણા લાંબી અને જટિલ પ્રક્રિયા છે અને કેનેડાએ પરિસ્થિતિનું મૂલ્યાંકન કરવા માટે સ્થિતિ પર રોક લગાવી દીધી છે. અધિકારીએ નામ ન આપવાની શરતે આ માહિતી આપી હતી. કેનેડાના વેપાર મંત્રી મેરી એનજીના કાર્યાલયે ટિપ્પણી માટેની વિનંતીનો તરત જ જવાબ આપ્યો ન હતો.
બંને પક્ષોમાં વેપાર મંત્રણાને લઈને ખૂબ આશા હતી
મે મહિનામાં, વાણિજ્ય અને ઉદ્યોગ મંત્રી પીયૂષ ગોયલે ઓટાવાની મુલાકાત લીધી હતી અને બંને પક્ષો આગામી વેપાર મંત્રણાને લઈને ખૂબ આશા હતી. આ દરમિયાન એનજીએ જણાવ્યું હતું કે, તેઓ ઝડપી ગતિશીલ વેપાર કરાર પર હસ્તાક્ષર કરવાની નજીક છે, એક પ્રારંભિક ડીલ જે અર્થતંત્ર-વ્યાપી કરારને બદલે ચોક્કસ ઉદ્યોગો પર ધ્યાન કેન્દ્રિત કરશે. તેમણે તે સમયે કહ્યું હતું કે,”તેમાં ઘણા વર્ષો લાગશે નહીં.”
આ પણ વાંચો: Israel-American Relations/ ઇઝરાયેલ-અમેરિકાની દોસ્તીમાં પડી તિરાડ; બેન્જામિન નેતન્યાહુએ મંત્રીઓને ખાસ આદેશ આપ્યા
આ પણ વાંચો: Shukrayaan-1/ ‘ISRO’ વધુ એક સફળતાનો ઈતિહાસ લખવાની તૈયારીમાં, જાણો શું છે મિશન “શુક્રયાન-1”
આ પણ વાંચો: Mohan Bhagwat/ ‘લોકો ‘INDIA’ બદલે ભારત શબ્દનો ઉપયોગ કરવાની આદત પાડે’: મોહન ભાગવત
આ પણ વાંચો: દિલ્હી ફરી શર્મસાર/ 28 વર્ષના યુવકે હેવાનિયતની હદ વટાવી, 85 વર્ષીય વૃદ્ધ મહિલાને બનાવી હવસનો શિકાર
આ પણ વાંચો: સાળંગપુર વિવાદ/ભીંતચિત્ર પર કાળો કૂચરડો ફેરવવાનો પ્રયાસઃ પોલીસે ધરપકડ કરી
