કેન્દ્રીય કેબિનેટ દ્વારા 1.2 લાખ ટન ડુંગળીની આયાતને મંજૂરી આપવામાં આવી છે. નાણાંમંત્રી સીતારામન જણાવ્યું હતું કે, સ્થાનિક બજારમાં ડુંગળીની ઉપલબ્ધતા વધારવા માટે સરકારે ખાદ્યમંત્રાલયના 1.2 લાખ ટન ડુંગળીની આયાત કરવાના નિર્ણયને મંજૂરી આપી દીધી છે.

નાણાં પ્રધાન નિર્મલા સીતારામને કેબિનેટની બેઠક બાદ પત્રકાર પરિષદમાં આ માહિતી આપી હતી. 16 નવેમ્બરના રોજ ખાદ્ય અને ગ્રાહક બાબતોના પ્રધાન રામ વિલાસ પાસવાને કહ્યું હતું કે, સરકાર એમએમટીસી દ્વારા એક લાખ ટન ડુંગળીની આયાત કરશે. ડુંગળીની ઉપલબ્ધતામાં સુધારો કરવા માટે સરકારે ખાનગી આયાતને પણ મંજૂરી આપી છે અને ધ્રુવીકરણ અને સ્વચ્છતા માટેની જોગવાઈઓને પણ સરળ બનાવી છે.

સ્થાનિક બજારમાં ડુંગળીની અછતને કારણે ભાવ આસમાને પહોંચી ગયા છે, ત્યારે સરકારે આ પગલું ભર્યું છે. દિલ્હીમાં ડુંગળીના છૂટક ભાવ 60 રૂપિયા પ્રતિ કિલો પર પહોંચી ગયા છે. ખરીફ સીઝન 2019-20માં ડુંગળીના ઉત્પાદનમાં 26 ટકાનો ઘટાડો થવાને કારણે આ સંકટ પેદા થયું છે. આયાત સુનિશ્ચિત કરવા ઉપરાંત સરકારે નિકાસ પર પ્રતિબંધ, સ્ટોક મર્યાદા નક્કી કરવા સહિતના અનેક પગલા લીધા છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.