SPORTS NEWS : ઇન્ડિયન પ્રીમિયર લીગ (IPL)ની સૌથી સફળ ટીમોમાં સામેલ ચેન્નઈ સુપર કિંગ્સ (Chennai Super Kings) માટે મોટી ખબર સામે આવી છે. ટીમના લાંબા સમયથી હેડ કોચ રહેલા સ્ટીફન ફ્લેમિંગે 18 વર્ષના લાંબા સંબંધ બાદ ફ્રેન્ચાઇઝીથી અલગ થવાનો નિર્ણય લીધો છે. CSK અને ફ્લેમિંગ વચ્ચેનો આ નિર્ણય પરસ્પર સંમતિથી લેવામાં આવ્યો હોવાનું ટીમ તરફથી જણાવવામાં આવ્યું છે.

સ્ટીફન ફ્લેમિંગ અને ચેન્નઈ સુપર કિંગ્સનો સંબંધ IPLની શરૂઆતથી જોડાયેલો છે. વર્ષ 2008માં IPLની પ્રથમ સિઝનમાં ફ્લેમિંગ ખેલાડી તરીકે CSK (Chennai Super Kings) સાથે જોડાયા હતા. ત્યારબાદ 2009માં તેમને ટીમના મુખ્ય કોચની જવાબદારી સોંપવામાં આવી હતી. ત્યારથી તેમણે લાંબા સમય સુધી ટીમનું નેતૃત્વ કર્યું અને CSKને IPLની સૌથી મજબૂત ટીમોમાં સ્થાન અપાવવામાં મહત્વની ભૂમિકા ભજવી હતી.

OFFICIAL ANNOUNCEMENT

The Super Kings and Head Coach Stephen Fleming have mutually decided to part ways.
Together, we shared one of the most successful and enduring partnerships in IPL history. The legacy you’ve built will continue to inspire us.

With immense respect and… pic.twitter.com/qjvb4oZUuU

— Chennai Super Kings (@ChennaiIPL) July 13, 2026

 

ફ્લેમિંગના કાર્યકાળમાં CSKએ રચ્યો ઇતિહાસ

સ્ટીફન ફ્લેમિંગના કોચિંગ હેઠળ ચેન્નઈ સુપર કિંગ્સે અનેક મોટી સિદ્ધિઓ હાંસલ કરી છે. તેમના માર્ગદર્શન દરમિયાન ટીમે પાંચ વખત IPL ટ્રોફી જીતી છે. આ ઉપરાંત CSK(Chennai Super Kings) એ ચેમ્પિયન્સ લીગ T20માં પણ બે વખત ખિતાબ પોતાના નામે કર્યો હતો. ફ્લેમિંગના સમયગાળા દરમિયાન CSK સતત પ્લેઓફમાં પહોંચનારી ટીમોમાં રહી હતી. તેમની વ્યૂહરચના, ખેલાડીઓ સાથેનો તાલમેલ અને ટીમ મેનેજમેન્ટની સમજને કારણે CSKએ લાંબા સમય સુધી IPLમાં પોતાની અલગ ઓળખ બનાવી રાખી હતી.

CSK મેનેજમેન્ટે ફ્લેમિંગના યોગદાનને યાદ કર્યું

ચેન્નઈ સુપર કિંગ્સના મેનેજમેન્ટે સ્ટીફન ફ્લેમિંગના યોગદાનની પ્રશંસા કરી છે. ટીમ સાથે લગભગ બે દાયકાની તેમની સફરને યાદ કરતા ફ્રેન્ચાઇઝીએ જણાવ્યું કે ફ્લેમિંગે માત્ર ટ્રોફી જીતવામાં જ નહીં પરંતુ ટીમની સંસ્કૃતિ અને કાર્યશૈલીને મજબૂત બનાવવામાં પણ મહત્વની ભૂમિકા ભજવી છે.CSK સાથે જોડાયેલા અધિકારીઓએ જણાવ્યું કે ફ્લેમિંગની સૌથી મોટી ખાસિયત ખેલાડીઓની ક્ષમતાને ઓળખીને તેમની પાસેથી શ્રેષ્ઠ પ્રદર્શન કરાવવાની હતી. તેમના માર્ગદર્શન હેઠળ અનેક ખેલાડીઓએ પોતાની કારકિર્દીમાં મહત્વપૂર્ણ સફળતા મેળવી છે.

ફ્લેમિંગે CSK સાથેની સફરને ગણાવી ખાસ

સ્ટીફન ફ્લેમિંગે વિદાય સમયે ચેન્નઈ સુપર કિંગ્સ સાથે જોડાયેલી યાદોને ખૂબ જ ખાસ ગણાવી હતી. તેમણે જણાવ્યું કે 18 વર્ષનો સમયગાળો કોઈપણ રમત સાથે જોડાયેલી વ્યક્તિ માટે ખૂબ જ લાંબો અને યાદગાર હોય છે.ફ્લેમિંગે CSK, ખેલાડીઓ અને ચાહકોનો આભાર વ્યક્ત કરતા કહ્યું કે આ સફર તેમના કોચિંગ કરિયરના સૌથી મહત્વપૂર્ણ અધ્યાયોમાંની એક રહેશે. તેમણે ચેન્નઈ સુપર કિંગ્સ સાથે જોડાયેલા સંબંધોને હંમેશા યાદ રાખવાની વાત કહી હતી.

સ્ટીફન ફ્લેમિંગના વિદાય બાદ હવે CSKના નવા કોચ કોણ બનશે તેને લઈને ક્રિકેટ જગતમાં ચર્ચાઓ શરૂ થઈ ગઈ છે. IPLની આગામી સિઝન પહેલા ટીમ માટે આ એક મોટો ફેરફાર માનવામાં આવી રહ્યો છે.