અમેરિકાના રાષ્ટ્રપતિ ડોનાલ્ડ ટ્રમ્પ દ્વારા H-1B વિઝા પર ભારે ફી લાદવામાં આવ્યા બાદ વૈશ્વિક અર્થતંત્રમાં ઉથલપાથલ મચી ગઈ છે. ટ્રમ્પના નિર્ણયથી ખાસ કરીને ભારતને ભારે ફટકો પડ્યો છે. જોકે, જ્યારે અમેરિકા વિદેશી કામદારો માટે પોતાના દરવાજા બંધ કરી રહ્યું છે, ત્યારે ચીને વૈશ્વિક પ્રતિભા માટે પોતાના દરવાજા ખોલવાનો નિર્ણય લીધો છે.
ચીને ટ્રમ્પના H-1B વિઝા સામે “K વિઝા” રજૂ કરવાનો નિર્ણય લીધો છે, જેનો ઉદ્દેશ્ય વિશ્વભરના યુવા વૈજ્ઞાનિકો અને ટેકનોલોજી વ્યાવસાયિકોને આકર્ષવાનો છે.
ચીની સમાચાર એજન્સી શિન્હુઆ અનુસાર, ‘k વિઝા’ સંબંધિત નવા નિયમો 1 ઓક્ટોબરથી અમલમાં આવશે. ચીન પહેલાથી જ 12 પ્રકારના વિઝા ઓફર કરે છે. હવે, આ યાદીમાં ‘k વિઝા’ ઉમેરવાનું છે.
શું છે K વિઝાની વિશેષતા
K વિઝા ચીનના અન્ય 12 વિઝાથી અલગ હશે. K વિઝા સાથે ચીનમાં પ્રવેશ કરનારા લોકો શિક્ષણ, સંસ્કૃતિ, વિજ્ઞાન અને ટેકનોલોજી અને વ્યવસાય જેવા ક્ષેત્રોમાં ભાગ લઈ શકશે.
જોકે, ચીન આ વિઝા મેળવવા માટે ચોક્કસ પાત્રતા માપદંડો નક્કી કરશે. વિઝા ધારકે ચોક્કસ દસ્તાવેજો પણ સબમિટ કરવા પડશે. ચીન ફક્ત ચોક્કસ વય જૂથો, ઉચ્ચ શિક્ષણ, લાયકાત અને અનુભવ ધરાવતા વ્યક્તિઓને જ K વિઝા આપશે.
______________________________________________________________________________________________________
આ પણ વાંચો: World News/ડોક્ટરોને H-1B વિઝા ફીમાંથી એક લાખ ડોલરની છુટ આપી શકે છે અમેરિકા
આ પણ વાંચો: us news/“અમે સંમત છીએ કે…” અમેરિકા સાથેના તણાવ વચ્ચે જયશંકર રુબિયો સાથે મળ્યા,જાણો શું શું થયું!
આ પણ વાંચો: World News/યુરોપિયન એરપોર્ટ હજુ પણ સાયબર હુમલામાંથી બહાર આવી રહ્યુ છે, કામગીરી ચોથા દિવસે પણ સ્થગિત…..
