દક્ષિણ કાશ્મીરના શોપિયાંમાં સુરક્ષાદળો સાથેનાં એન્કાઉન્ટરમાં ત્રણ આતંકવાદીઓ માર્યા ગયા હતા. આતંકવાદીઓને ઘણી વાર શરણાગતિ સ્વીકારી લેવા માટે કહેવામાં આવ્યું હતું અને આ માટે તેમને પૂરતો સમય પણ આપવામાં આવ્યો હતો, પરંતુ તેઓ સંમત ન થાત, માર્યા ગયા હતા. શોપિયન જિલ્લાના સુગન વિસ્તારમાં ગઈ કાલે સાંજે 4 વાગ્યેથી આતંકી વિરુદ્ધનું આ અભિયાન ચાલી રહ્યું હતું.
અધિકારીઓએ અહીં જણાવ્યું હતું કે રાષ્ટ્રીય રાઇફલ્સ (આરઆર) ના 44 મા યુનિટ દ્વારા રાત્રે 8.30 વાગ્યે અભિયાન ને રોકી દેવામાં આવ્યું હતું અને આતંકવાદીઓને શરણાગતિની તક આપી હતી. આ સમય દરમિયાન, સુરક્ષા દળોએ કેટલાક પ્રબુદ્ધ સ્થાનિકોને બોલાવ્યા અને આતંકવાદીઓને મનાવવાની કોશિશ પણ કરવામાં આવી હતી.
આ વિસ્તારને ઘેરી લીધા પછી, 44 આરઆર કમાન્ડિંગ ઓફિસર કર્નલ એ.કે.સિંઘ અને તેમની ટીમે આતંકવાદીઓને શરણાગત થવાનો મોકો આપવાનો નિર્ણય લીધો હતો. તેમણે કેટલાક ધાર્મિક લોકો અને સ્થાનિક લોકોને બોલાવ્યા અને લાઉડસ્પીકરોને જાહેરાત કરી કે આતંકીઓએ શરણાગતિ સ્વીકારી લેવી જોઈએ.
અધિકારીઓએ કહ્યું કે આતંકીઓએ શરણાગતિ માટેની અપીલ કરતા લોકો પર ગ્રેનેડ ફેંકી દીધા હતા. આ પછી, દિવસ શરૂ થતાંની સાથે જ સૈન્યએ ફરીથી કામગીરી શરૂ કરી. અધિકારીઓના જણાવ્યા અનુસાર ત્રણે આતંકવાદીઓને મારવામાં લાંબો સમય લાગ્યો નહીં અને ઓપરેશન બંધ કરાયું. તેમણે કહ્યું કે ત્રણેય આતંકવાદીઓ અલ બદ્ર સંગઠન સાથે સંકળાયેલા છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને FaceBook, Twitter, Instagram અને YouTubeપર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “Mantavya News” ની નવી મોબાઇલ એપ્લિકેશન….
