ઉત્તરાખંડની રાજધાની દેહરાદૂન સ્થિત પ્રખ્યાત સહસ્ત્રધારમાં રાત્રે ભારે વરસાદને કારણે વાદળ ફાટવાની ઘટના બની હતી. જિલ્લા વહીવટીતંત્રનું બચાવ અને રાહત કામગીરી ચાલુ છે. આ ઘટનામાં કેટલીક દુકાન ડૂબી ગઈ. જિલ્લા વહીવટીતંત્રે રાત્રે જ નજીકના લોકોને સુરક્ષિત સ્થળોએ ખસેડ્યા હતા. બે લોકો ગુમ થયા હોવાના અહેવાલ છે, જેમની શોધ ચાલુ છે.

વાદળ ફાટવાની માહિતી મળતાની સાથે જ જિલ્લા અધિકારી સવિન બંસલ તાત્કાલિક ત્યાં પહોચી ગયા અને રાહત, બચાવ કામગીરીમનો હવાલો પોતે સંભાળી લીધો. તેમના નિર્દેશનમાં, SDRF, NDRF અને PWD (જાહેર બાંધકામ વિભાગ) ની ટીમો તાત્કાલિક ઘટનાસ્થળે રવાના કરવામાં આવી હતી. આ ટીમો મોડી રાતથી JCB અને અન્ય ભારે સાધનો સાથે બચાવ કામગીરીમાં લોગેલી છે.

દેહરાદૂનમાં વાદળ ફાટ્યા બાદ, ઋષિકેશમાં ચંદ્રભાગા નદી આજે સવારથી જ પૂરની સ્થિતિમાં છે. નદીનું પાણી હાઇવે પર પહોંચી ગયું હતું. SDRF ટીમે ચંદ્રભાગા નદીમાં ફસાયેલા ત્રણ લોકોને બચાવ્યા હતા.

એસડીએમ પોતે ઘટનાસ્થળે પહોંચ્યા
જિલ્લા મેજિસ્ટ્રેટના આદેશ પર, એસડીએમ કુમકુમ જોશી પોતે ઘટનાસ્થળે પહોંચ્યા અને પરિસ્થિતિનો તાગ મેળવ્યો. તેમણે કહ્યું કે અસરગ્રસ્ત વિસ્તારના લોકોને સુરક્ષિત સ્થળોએ ખસેડવામાં આવ્યા છે. સ્થાનિક લોકોના જણાવ્યા મુજબ, અચાનક પાણી અને કાટમાળ જોરદાર ગર્જના સાથે વહેવા લાગ્યા, જેના કારણે ઘણી દુકાનો વહી ગઈ અને રસ્તાઓ બંધ થઈ ગયા. આ ઘટના મોડી રાત્રે બની હતી, જ્યારે વિસ્તારમાં ભીડ ઓછી હતી, જેના કારણે મોટી જાનહાનિ ટાળ ગઇ.

વાદળ ફાટવાથી મોટા નુકસાન
દહેરાદૂન-હરિદ્વાર રાષ્ટ્રીય ધોરીમાર્ગ પર ફન વેલી અને ઉત્તરાખંડ ડેન્ટલ કોલેજ નજીક એક પુલને નુકસાન થયું છે. દહેરાદૂનમાં ભારે વરસાદને કારણે તમસા નદીમાં પૂર આવ્યું છે. ટપકેશ્વર મહાદેવ શિવલિંગ સંકુલમાં 1-2 ફૂટ કાટમાળ જમા થયો છે અને મંદિર સંકુલમાં ઘણું નુકસાન થયું છે.

મોટા નુકસાનને કારણે દુકાનદારો થયા નિરાશ
આ ઘટનામાં સ્થાનિક વેપારીઓને ઘણું નુકસાન થયું છે. બજારની ઘણી દુકાનો પાણી અને કાટમાળમાં વહી ગઈ છે. સ્થાનિક દુકાનદારો આખી રાત તેમની દુકાનોમાંથી બાકીનો સામાન કાડતા જોવા મળ્યા હતા. વહીવટીતંત્રે નુકસાનનું મૂલ્યાંકન કરવા માટે એક ખાસ ટીમની રચના કરી છે, જે દરેક અસરગ્રસ્ત દુકાનદાર અને રહેવાસીઓની વિગતો એકત્રિત કરી રહી છે.

મોટી દુર્ઘટનાઓ ટળી
વહીવટીતંત્રની તાત્કાલિક કાર્યવાહી અને લોકોને સમયસર સલામત સ્થળોએ ખસેડવાને કારણે મોટી દુર્ઘટના ટળી ગઈ હતી.
______________________________________________________________________________________________________

આ પણ વાંચો: અલ્હાબાદ હાઈકોર્ટનો મોટો નિર્ણય : પ્રેમ સંબંધમાં રહ્યા પછી બનેલા શારીરિક સંબંધને બળાત્કાર ન ગણી શકાય

આ પણ વાંચો: એક્ટ્રેસ દિશા પટનીના ઘર પર ગોળીબાર:ગોદારા-બરાર ગેંગે જવાબદારી લીધી