Odisha News: ઓડિશાના કટક જિલ્લામાં 19 વર્ષની કોલેજની વિદ્યાર્થીની પર ઘણા દિવસો સુધી બળાત્કાર કરવા અને આ કૃત્યનો વીડિયો બનાવવા બદલ સગીર સહિત છ લોકોની ધરપકડ કરવામાં આવી છે. પોલીસે શુક્રવારે આ જાણકારી આપી. એક વરિષ્ઠ અધિકારીએ જણાવ્યું હતું કે વિદ્યાર્થીએ કટકના બદંબાડી પોલીસ સ્ટેશનમાં ફરિયાદ નોંધાવી છે, જેમાં આરોપ છે કે તેના બોયફ્રેન્ડ અને અન્ય આરોપીઓ દ્વારા તેણી પર સામૂહિક બળાત્કાર કરવામાં આવ્યો હતો.
યુવતી પોતાના જન્મદિવસની ઉજવણી કરવા કેફેમાં આવી હતી.
કોલેજ સ્ટુડન્ટે આરોપ લગાવ્યો હતો કે તે દશેરાના તહેવાર દરમિયાન તેના જન્મદિવસની ઉજવણી કરવા માટે શહેરના પુરીઘાટ પોલીસ સ્ટેશન હેઠળના એક કેફેમાં ગઈ હતી, જ્યાં તેના બોયફ્રેન્ડે કથિત રીતે કેફે માલિકની મદદથી તેમના ફોન પર કેટલાક અશ્લીલ કૃત્યો રેકોર્ડ કર્યા હતા .
પ્રાઈવેટ વીડિયો બતાવીને બ્લેકમેલ કરતો હતો
બીજી તરફ, ઉડિયા ભાષાના અખબાર સંબાદ અનુસાર, આરોપીએ આ વીડિયોનો ઉપયોગ યુવતીને બ્લેકમેલ કરવા અને તેની સાથે શારીરિક સંબંધ બાંધવા દબાણ કરવા માટે કર્યો હતો. તેઓ યુવતીને બરંગ વિસ્તારના એક ઘરમાં લઈ ગયા, જ્યાં તેઓએ તેના પર સામૂહિક બળાત્કાર કર્યો અને આ ઘટનાને તેમના મોબાઈલ ફોનમાં રેકોર્ડ કરી. તેઓ તેને બ્લેકમેલ કરીને અલગ-અલગ જગ્યાએ બોલાવતા હતા.
જાણો કેવી રીતે થયો મામલો
ડરના કારણે પીડિતાએ આ અંગે કોઈને જણાવ્યું ન હતું. સમગ્ર ઘટના ત્યારે પ્રકાશમાં આવી જ્યારે યુવતીના પરિવારના સભ્યએ તેને બાલીકુડા સ્ક્વેર પાસે આરોપી સાથે જોઈ. પરિવારજનો દ્વારા પૂછપરછ કરવામાં આવતા યુવતીએ આ વાતનો ખુલાસો કર્યો હતો. બદંબાડી પોલીસ સ્ટેશનમાં નોંધાયેલી ફરિયાદના આધારે છ આરોપીઓની ધરપકડ કરવામાં આવી છે.
છ આરોપીઓમાં પાંચ પુખ્ત અને એક સગીર
કટકના ડીસીપી જગમોહન મીનાએ જણાવ્યું હતું કે, “આ કેસ 4 નવેમ્બરે નોંધવામાં આવ્યો હતો. ત્રણ આરોપીઓની 5 નવેમ્બરે ધરપકડ કરવામાં આવી હતી, જ્યારે અન્ય ત્રણને 6 નવેમ્બરે પકડવામાં આવ્યા હતા.” SFSL રિપોર્ટના આધારે આગળની તપાસ કરવામાં આવશે. પીડિતા અને આરોપીના નિવેદન કોર્ટમાં નોંધવામાં આવ્યા છે. તપાસ દરમિયાન ગુનામાં અન્ય લોકોની સંડોવણી બહાર આવશે તો તેમની સામે પણ કાર્યવાહી કરવામાં આવશે. છ આરોપીઓમાંથી પાંચ પુખ્ત વયના છે, જ્યારે એક સગીર છે.
આ પણ વાંચો:અભિનેત્રી ઉર્વશી રૌતેલાનો પ્રાઈવેટ વીડિયો થયો વાયરલ
આ પણ વાંચો:કોણ છે ઓવિયા હેલન? પ્રાઈવેટ વીડિયો લીક થયા બાદ થઈ ટ્રોલ
આ પણ વાંચો:યુટ્યુબરના રૂમનો પ્રાઈવેટ વીડિયો લીક…ઘરમાં લગાવ્યા હોય CCTV તો આ ભૂલ ન કરો
