Supreme Court: સરકારી કર્મચારીઓને ફરજિયાત નિવૃત્ત (Compulsory Retirement) કરવાના મામલે સુપ્રીમ કોર્ટે મહત્ત્વપૂર્ણ અવલોકન કર્યું છે. કોર્ટે જણાવ્યું છે કે ફરજિયાત નિવૃત્તિનો આદેશ કોઈ સજા નથી અને તેના કારણે કર્મચારીના ચારિત્ર્ય કે વર્તન પર કોઈ શંકા ઊભી થતી નથી. છત્તીસગઢ સરકાર દ્વારા પોતાના કર્મચારીઓને ફરજિયાત નિવૃત્ત કરવાના નિર્ણયને યોગ્ય ઠેરવતાં કોર્ટે આ ટિપ્પણી કરી હતી.
Compulsory Retirement: જાહેર હિત ન હોય તો ફરજિયાત નિવૃત્તિનો નિર્ણય
છત્તીસગઢ સરકારે (Chhattisgarh Government) દલીલ કરી હતી કે સંબંધિત કર્મચારીઓ (Government Employees)ની સેવા હવે જાહેર હિતમાં ઉપયોગી રહી નથી. આથી તેમને ફરજિયાત નિવૃત્ત કરવાનો નિર્ણય લેવામાં આવ્યો હતો. આ નિર્ણયને અગાઉ છત્તીસગઢ હાઈકોર્ટે પણ યોગ્ય ઠેરવ્યો હતો.
સુપ્રીમ કોર્ટે સ્પષ્ટ કર્યું કે ફરજિયાત નિવૃત્તિના આદેશને ગેરવર્તન બદલ આપવામાં આવેલી સજા તરીકે જોવાની જરૂર નથી. તેનાથી કર્મચારીના ચરિત્ર પર કોઈ લાંછન લાગતું નથી કે તેના વર્તન અંગે કોઈ નકારાત્મક નિષ્કર્ષ કાઢી શકાય નહીં.
નિર્ણય માટે યોગ્ય આધાર હોવો જરૂરી
કોર્ટે જણાવ્યું કે આવા નિર્ણય લેતી વખતે કર્મચારીની સેવા જાહેર હિતમાં કેટલી ઉપયોગી છે તે જોવાનું (Public Interest) રહે છે. જોકે, માત્ર કર્મચારીની જરૂરિયાત નથી એવું માનીને નિર્ણય લઈ શકાય નહીં; ફરજિયાત નિવૃત્તિ માટે યોગ્ય આધાર હોવો પણ જરૂરી છે.
આમ, સુપ્રીમ કોર્ટે સ્પષ્ટ કર્યું કે ફરજિયાત નિવૃત્તિ અને ગેરવર્તન બદલ મળતી સજા બંને અલગ બાબતો છે.
આ પણ વાંચો: ગુજરાતમાં મોટી કાર્યવાહી: 5 જજને તાત્કાલિક ફરજિયાત નિવૃત્તિ
આ પણ વાંચો: ગુજરાતમાં ઓપરેશન ગંગાજળની કાર્યવાહી તેજ, વધુ 2 તાલુકા વિકાસ અધિકારીઓને ફરજિયાત નિવૃત્તિ
આ પણ વાંચો: અમદાવાદ મ્યુનિ.માં ‘ઓપરેશન ગંગાજળ’ શરૂ: 50-55 વર્ષની ઉંમરના કામચોર કર્મચારીઓને ફરજિયાત નિવૃત્તિ
