Vadodra News : વડોદરામાં મરણની કાચી નોંધની પાકી નોંધ કરાવવા માટે લાંચ લેતા મામલતદાર કટેરીના એક કોમ્પ્યુટર ઓપરેટરને ACB એ ઝડપી લીધો હતો. આ કેસની વિગત મુજબ ફરીયાદીએ ઇ-ધરા કેન્દ્ર મામલતદાર કચેરી, ડેસર ખાતે વેચાણ દસ્તાવેજની તેમજ મૈયતની કાચી નોંધની પાકી નોંધ કરવા અરજી કરી હતી.
જે અરજીમાં કાંચી નોંધને પાકી નોંધમાં ફેરવવા વડોદરા જિલ્લાના ડેસર મામલતદાર કચેરીના ઈ-ધરા કોમ્પ્યુટર ઓપરેટર (કરાર આધારિત) રાજેન્દ્રસિંહ આર.પરમારે રૂ.૬૦૦૦ ની માંગણી કરી હતી.જે લાંચની રકમ તા.૧૩/૦૧/૨૦૨૫ નારોજ પરમારે આપવા જણાવ્યું હતું. જોકે ફરીયાદી લાંચની રકમ આપવા માંગતા ન હોવાથી તેમણે વડોદરા ગ્રામ્ય એ.સી.બી. પો.સ્ટે.નો સંપર્ક કર્યો હતો.
ફરીયાદને આધારે એસીબીએ ઇ-ધરા કેન્દ્ર, જનસેવા કચેરીની સામે આવેલ પુર-નિયંત્રણ ઓફીસમાં જાળ બિછાવી હતી. જેમાં ફરીયાદી પાસેથી લાંચની રકમ રૂા.૬૦૦૦/- સ્વીકારતા આરોપી રાજેન્દ્રસિંહ પરમાર ઝડપાઈ ગયો હતો.
આ પણ વાંચો:આણંદમાં જનસંવાદ કાર્યક્રમમાં CM ભુપેન્દ્ર પટેલે તલાટીઓને કરી ટકોર
આ પણ વાંચો:CM ભુપેન્દ્ર પટેલે મહાત્મા ગાંધીની જન્મ જયંતિએ પોરબંદરના કીર્તિ મંદિરે પુષ્પાંજલિ અર્પી
