કોરોના વાયરસે દેશ આખામાં તાબાહી મચાવી છે. અને દેશમાં ઘણા રાજ્યોએ કોરોના સામે લડવા માટે લોક ડાઉન નો સહારો લીધો છે. જેના કારણે લોકોના કામ ધંધા પણ બંધ છે. અને લોકો આવામાં ભારે હાલાકીનો સામનો કરી રહ્યા છે. દરમિયાન કોંગ્રેસના નેતા અધિર રંજનએ પીએમ મોદીને પત્ર લખીને ગરીબ લોકોની આર્થિક સહાયની માંગ કરી છે.
કોંગ્રેસ પાર્ટીના નેતા અધિર રંજન ચૌધરીએ વડા પ્રધાન નરેન્દ્ર મોદીને પત્ર લખ્યો છે. આ પત્રમાં રાજ્યોના ગરીબ અને બેરોજગારોને લોકડાઉન સાથે દર મહિને 6000 રૂપિયા આપવા વિનંતી કરવામાં આવી છે. આ સાથે જ જરૂરીયાતમંદોને નિ: શુલ્ક ભોજનની વ્યવસ્થા કરવાની માંગ પણ કરવામાં આવી છે.
પત્રમાં અધિર રંજન ચૌધરીએ લખ્યું છે કે કોરોના રોગચાળાને કારણે ઘણા રાજ્યોમાં લોકડાઉન લાગુ કરવામાં આવ્યું છે. જેના કારણે મજૂરો સ્થળાંતર કર્યું છે. પરિણામે કામદારોના રોજગારમાં મુશ્કેલી સર્જાઈ છે. આવી સ્થિતિમાં રોજગાર અને આવકના અભાવને કારણે આવા લોકો માટે તેમનું કુટુંબ ચલાવવું મુશ્કેલ બની ગયું છે.
Leader of Congress party in Lok Sabha, Adhir Ranjan Chowdhury writes to PM Narendra Modi, urging to provide Rs 6000/month to the poor in the states under lockdown pic.twitter.com/hzkjRwsY1s
— ANI (@ANI) May 16, 2021
મફત રાશન
અધિર રંજન ચૌધરીએ કહ્યું છે કે કોંગ્રેસ અધ્યક્ષે સૂચવ્યું છે કે કેન્દ્ર સરકારે જરૂરતમંદ લોકોને નિ: શુલ્ક રેશન આપવું જોઈએ અને બેરોજગાર લોકોને દર મહિને 6000 રૂપિયાની આર્થિક સહાય પૂરી પાડવી જોઈએ. તેમજ ગરીબોને પણ દર મહિને 6000 રૂપિયાની સહાય આપવી જોઇએ.
