બિહાર વિધાનસભા ચૂંટણી 2025 ની મહાગઠબંધનમાં ચાલી રહેલો બેઠકોનો વિવાદ આજે ઉકેલાઈ જશે. બેઠકોની સંખ્યા અંગેનો વિવાદ આરજેડી, કોંગ્રેસ અને ડાબેરી પક્ષો વચ્ચે હતો. સુત્રો અનુસાર કોંગ્રેસ 60 ની જગ્યાએ 71 બેઠકોની માંગણી પર અડગ હતી, પરંતુ હવે 60 બેઠકો માટે સંમત થઈ ગઈ છે. અને સીપીઆઈ (એમએલ) ને 19 બેઠકો આપવામા આવી છે. પરતું તે 30 બેઠકો ઇચ્છે છે.
સીપીઆઈ અને સીપીઆઈ(એમ) પણ વધુ બેઠકોની માંગ કરી રહ્યા છે. જોકે વિકાસશીલ ઇન્સાન પાર્ટીની હાલમાં કોઇ પ્રતિક્રિયા નથી. અગાઉ, તેને 18 બેઠકો આપવામાં આવી હતી. જો વામ પક્ષોની બેઠકો વધશે, તો વીઆઈપીની બેઠકો ઘટશે.
કોંગ્રેસના પ્રવક્તાએ દાવો કર્યો હતો કે વિવાદના મુદ્દાઓ ઉકેલાઈ ગયા છે. તેઓ બુધવારે બધું જાહેર કરવાની આશા રાખે છે. અગાઉ, કોંગ્રેસની નારાજગીને માન આપીને, આરજેડીએ સોમવારે રાત્રે જારી કરેલા પ્રતીકો પાછા ખેંચી લીધા હતા.
લાલુ પ્રસાદ યાદવે તેજસ્વી યાદવ પ્રત્યે નારાજગી વ્યક્ત કરી
સોમવારે રાત્રે રાષ્ટ્રીય અધ્યક્ષ લાલુ પ્રસાદ યાદવે એક ડઝનથી વધુ ઉમેદવારોને પ્રતીકો ફાળવ્યા. ઉમેદવારોએ તેમને ઇન્ટરનેટ મીડિયા પ્લેટફોર્મ પર જાહેર કર્યા. કોંગ્રેસના કેન્દ્રીય નેતૃત્વએ વિપક્ષના નેતા તેજસ્વી યાદવ પ્રત્યે નારાજગી વ્યક્ત કરી હતી.
જેમાં કોંગ્રેસે દલીલ કરી હતી કે જો બેઠકો મતવિસ્તાર દ્વારા ઘટક પક્ષો વચ્ચે વહેંચવામાં નથી આવી, તો પ્રતીકો કેવી રીતે જારી કરી શકાય? તે મોડી રાત્રે, આરજેડીએ નજીકના વિસ્તારોના ઉમેદવારોને બોલાવ્યા અને તેમના પ્રતીકો પાછા ખેંચી લીધા.
ત્યાજ દૂરના ઉમેદવારોને ઇન્ટરનેટ મીડિયા પ્લેટફોર્મ પરથી તાત્કાલિક તેમના પ્રતીકો પાછા ખેંચી લેવા કહેવામાં આવ્યું હતું. આરજેડી ઉપરાંત, સીપીઆઈ (એમએલ), સીપીઆઈ અને સીપીઆઈ (એમ) એ પણ કેટલાક ઉમેદવારોને પ્રતીકોનું વિતરણ કર્યું હતું. તેમના પ્રતીકો પાછા ખેંચવામાં આવ્યા ન હતા.
કોંગ્રેસ અને આરજેડી વચ્ચે તણાવ સર્જાયો
ચૂંટણી પહેલા મુખ્યમંત્રી અને નાયબ મુખ્યમંત્રી પદના પ્રસ્તાવ પર પણ કોંગ્રેસ અને આરજેડી વચ્ચે તણાવ સર્જાયો હતો. કોંગ્રેસ પાર્ટીએ આગ્રહ રાખ્યો હતો કે પરિણામો પછી વિધાનસભા પક્ષની બેઠકમાં જ આ પદો પર વિચાર કરવામાં આવે.
કોંગ્રેસ પાર્ટી વિકાસશીલ ઇન્સાન પાર્ટીના સ્થાપક મુકેશ સહાનીના નાયબ મુખ્યમંત્રી તરીકે પ્રસ્તાવિત કરવાના આગ્રહથી પણ નાખુશ છે. આરજેડી બંને મુદ્દાઓ પર સંમત છે. મુકેશ સાહની હવે નાયબ મુખ્યમંત્રી બનવાનો આગ્રહ રાખશે નહીં.
આ પણ વાંચો: Jamnagar News/બિહાર વિધાનસભા ચૂંટણીમાં NDAની સીટ શેરિંગ ફોર્મ્યુલાને અપાયું અંતિમ સ્વરૂપ
આ પણ વાંચો: Delhi News/દિલ્હી : ભાજપે બિહાર ચૂંટણી માટે પ્રભારીની જાહેરાત કરી
આ પણ વાંચો: National News/‘પહેલા આવે કે ત્રીજા આવે, નીતિશ કુમાર જ મુખ્યમંત્રી બનશે…’, બિહાર ચૂંટણી પહેલા JDU મંત્રીની ઘોષણા!
