Ayodhya Ram Mandir Donation Theft Case Updates: અયોધ્યા રામ મંદિરમાં દાનની રકમની ચોરીનો મામલો હવે ગંભીર રાજકીય વળાંક લઈ રહ્યો છે. સોમવારે મોડી રાત્રે યુપી કોંગ્રેસ પ્રદેશ અધ્યક્ષ અજય રાય સહિત કોંગ્રેસના અનેક દિગ્ગજ નેતાઓને પોલીસે નજરકેદ કર્યા હતા. કોંગ્રેસનું પ્રતિનિધિમંડળ દાન ચોરી મામલે ટ્રસ્ટની ઓફિસનો ઘેરાવ કરવા જઈ રહ્યું હતું, પરંતુ પોલીસે તેમને અયોધ્યામાં જ રોકી લીધા હતા.
કોંગ્રેસ નેતાઓની અટકાયત અને નજરકેદ
અજય રાય (Congress Ajay Rai), સાંસદ કિશોરી લાલ શર્મા, તનુજ પુનિયા અને ઉજ્જવલ રમણ સિંહ સહિતના નેતાઓને પોલીસે રાત્રે 11:30 વાગ્યે હોટલમાંથી અને ત્યારબાદ ગેસ્ટ હાઉસમાં નજરકેદ કર્યા હતા.
મંગળવારે બપોરે જ્યારે કોંગ્રેસ કાર્યકરો રામ જન્મભૂમિ મંદિર તરફ કૂચ કરી રહ્યા હતા, ત્યારે પોલીસે ‘ટેઢી બજાર’ ખાતે તેમને રોક્યા હતા. ત્યારબાદ પોલીસ અને કાર્યકરો વચ્ચે ઝપાઝપી થતા પોલીસે હળવો બળપ્રયોગ કરીને તેમની અટકાયત કરી હતી.
અજય રાયની(Congress Ajay Rai) પત્ની રીના રાયે ભાજપ સરકાર પર આક્ષેપ કર્યો છે કે, “સરકાર વિપક્ષનો અવાજ દબાવી રહી છે અને સત્ય બહાર આવતા રોકવા માટે અમારા સહયોગીઓને ભટકાવવામાં આવી રહ્યા છે.”
કેસની વર્તમાન સ્થિતિ અને તપાસ
અત્યાર સુધીમાં રામશંકર યાદવ (ટિન્નુ) સહિત 8 આરોપીઓની ધરપકડ કરવામાં આવી છે. કોર્ટે તેમની જ્યુડિશિયલ કસ્ટડી 14 દિવસ માટે વધારી દીધી છે, હવે 13 જુલાઈએ આગામી સુનાવણી થશે.
પોલીસે મંદિર ટ્રસ્ટના મહાસચિવ ચંપત રાયની પણ લગભગ 3 કલાક પૂછપરછ કરી હતી, જેમાં ચોરી અંગેની જાણકારી ક્યારે મળી અને શું પગલાં લેવાયા તે વિશે સવાલો કરાયા હતા.
ચોરીનો મામલો સામે આવ્યા બાદ ચંપત રાય(Congress Ajay Rai) અને ટ્રસ્ટી ડો. અનિલ મિશ્રાએ રાજીનામું આપ્યું હતું. આ અંગેનો અંતિમ નિર્ણય લેવા માટે મંદિર ટ્રસ્ટની આગામી બેઠક હવે 11 જુલાઈને બદલે 6 જુલાઈએ વહેલી બોલાવવામાં આવી છે.
સરકાર અને SITનું વલણ(Congress Ajay Rai)
સરકારે સ્પષ્ટ નિર્દેશ આપ્યો છે કે SIT આ કેસનો અંતિમ રિપોર્ટ શક્ય તેટલી વહેલી તકે રજૂ કરે.
તપાસમાં અત્યાર સુધી જે 8 લોકોના નામ FIR માં છે, તેમાં ટ્રસ્ટના ઉચ્ચ પદાધિકારીઓનો સમાવેશ નથી, પરંતુ તપાસના આધારે આગળની કાર્યવાહી નક્કી થશે.
