• વધુ એક દિવસ નવા કેસ-રિકવરી સમાંતર
• છેલ્લાં 24 કલાકમાં સાડા ત્રણ લાખ રિકવર
• 24 કલાકમાં નવા કેસ 3.60 લાખથી વધુ
• દેશમાં કુલ રિકવરી હવે 2 કરોડ નજીક
• દેશમાં અત્યાર સુધીમાં કુલ કેસ 2.37 કરોડ
• 5.92 લાખ એક્ટિવ કેસ સાથે કર્ણાટક પ્રથમ
• દેશમાં કુલ મૃત્યુઆંક 2.59 લાખને પાર

કોરોના વાઇરસની બીજી લહેરે દેશમાં હાહાકાર મચાવ્યો છે. દેશમાં સતત કોરોના કેસમાં મોટો વધારો જોવા મળી રહ્યો છે. અહીં રાહતની વાત એ છે કે ભારતમાં સક્રિય કેસની કુલ સંખ્યા બુધવારે ઘટીને 37,04,99 પર આવી છે. જે હવે દેશના કુલ સકારાત્મક કેસોના 15.87 ટકા છે. છેલ્લા 24 કલાકમાં, સક્રિય કેસોમાં 11,122 કેસોનો ઘટાડો નોંધવામાં આવ્યો છે. સક્રિય કિસ્સાઓમાં ઘટાડો થવાનો આ સતત બીજો દિવસ છે.

દેશમાં અત્યાર સુધીમાં કુલ કેસ 2.37 કરોડ નોધાયા છે. દેશમાં કુલ મૃત્યુઆંક  2.59 લાખ ને પાર પહોચ્યો છે. કુલ સક્રિય કેસોમાં 13 રાજ્યોનો હિસ્સો 82.51 ટકા છે. દેશમાં કુલ રિકવરી હવે 2 કરોડ નજીક છે. ભારતની કુલ રિકવરી આજે 1,93,82,642 થઈ છે. રાષ્ટ્રીય રીકવરી દર 83.04 ટકા છે. તે જ સમયે, છેલ્લા 24 કલાક દરમિયાન 3,48,421 નવા કેસ નોંધાયા હતા. નવા કેસોમાં દસ રાજ્યોનો  71.22 ટકા હિસ્સો છે. મહારાષ્ટ્ર 40,956 નવા કેસ સાથે પ્રથમ ક્રમાંકે રહ્યું છે તો  કર્ણાટક 39,510 કેસ સાથે બીજા ક્રમે છે જ્યારે કેરળમાં 37,290 નવા કેસ નોંધાયા છે.