દેશની રાજધાની દિલ્હીમાં કોરોના સંક્રમણ ખૂબ જ ઝડપથી વધી રહ્યું છે. હવે દિલ્હીની યુનિવર્સિટીની સેન્ટ સ્ટીફન કોલેજમાં 13 વિદ્યાર્થીઓ અને 2 સ્ટાફ સભ્યો સંક્રમિત હોવાનું જાણવા મળ્યું છે. જે બાદ કોલેજ વહીવટી તંત્રે કડક પગલા લીધા છે.
કોલેજમાં તમામ પ્રવૃત્તિઓ બંધ કરી દેવામાં આવી છે. એવું કહેવામાં આવી રહ્યું છે કે સેન્ટ સ્ટીફન કોલેજના વિદ્યાર્થીઓની ટીમ ડાલહૌજી ટ્રીપ પર ગઈ હતી. કેટલાક વિદ્યાર્થીઓ ત્યાંથી પાછા ફર્યા બાદ પોઝિટીવ જોવા મળ્યા છે.
આ પણ વાંચો :જો હું PM હોત, તો મેં વિકાસને બદલે રોજગાર પર ધ્યાન કેન્દ્રિત કર્યું હોત : રાહુલ ગાંધી
કોલેજના આચાર્ય જ્હોન કે વર્ગીસે જણાવ્યું કે, “કોલેજના 13 વિદ્યાર્થીઓનો કોરોના રિપોર્ટ પોઝિટીવ આવ્યો છે. કોલેજના ડીનને કોવિડ પ્રોટોકોલના કડક અમલની સાથે આઇસોલેશન અને સોશિયલ ડિસ્ટન્સિંગના માટેની જરૂરી વ્યવસ્થા કરવામાં આવી છે. ”
શુક્રવારે, આરોગ્ય વિભાગે 3594 લોકોમાં ચેપની પુષ્ટિ કરી હતી, જે લગભગ ચાર મહિના પછી એક દિવસમાં મહત્તમ કેસ છે. આ અગાઉ ગયા વર્ષે 3 ડિસેમ્બરે 3734 લોકોને ચેપ લાગ્યો હતો. વધતા જતા કેસ સાથે આ દિવસનો ઇન્ફેક્શન રેટ પણ વધીને 4.11 ટકા થયો છે. સક્રિય દર્દીઓ લગભગ 12 હજાર થઈ ગયા છે.
આ પણ વાંચો :અમેરિકાના સંસદની બહાર પોલીસ અધિકારીનું મોત, રાષ્ટ્રપતિ બિડેને વ્યક્ત કર્યું દુઃખ
કોરોના કેસમાં થયેલા વધારાને ધ્યાનમાં રાખીને કેન્દ્ર સરકારે ચિંતા વ્યક્ત કરી છે. કેબિનેટ સચિવ રાજીવ ગૌબાએ શુક્રવારે કોરોના મહામારી અંગે બેઠક બોલાવી હતી. આ બેઠકમાં, દેશના 11 મોટા રાજ્યો અને કેન્દ્રશાસિત પ્રદેશોમાં કોરોના ચેપની સ્થિતિની સમીક્ષા કરવામાં આવી હતી અને કોરોના અંગે વધતી બેદરકારી અંગે ચિંતા વ્યક્ત કરવામાં આવી હતી. આ 11 રાજ્યો મહારાષ્ટ્ર, પંજાબ, કર્ણાટક, ગુજરાત, તમિળનાડુ, કેરળ, છત્તીસગઢ,ચંદીગઢ, મધ્ય પ્રદેશ, દિલ્હી અને હરિયાણા છે.
આરોગ્ય વિભાગના જણાવ્યા અનુસાર, છેલ્લા 24 કલાકમાં 14 લોકોનાં મોત નીપજ્યાં અને 2084 દર્દીઓએ આ ચેપને પાછળ છોડી દીધું. 13 જાન્યુઆરી પછી આ પહેલીવાર છે જ્યારે એક જ દિવસમાં 10 થી વધુ લોકોનાં મોત થયાં છે. રાજધાનીમાં ચેપગ્રસ્ત લોકોની કુલ સંખ્યા વધીને 6,68,814 થઈ ગઈ છે. તેમાંથી 6,45,770 લોકો સ્વસ્થ બન્યા છે. રીકવરી દર 97.1 ટકા પર આવી ગયો છે. કુલ 11,994 લોકો મૃત્યુ પામ્યા છે. કોરોનાથી મૃત્યુદર 1.65 ટકા છે અને એકંદર ચેપ દર 4.54 ટકા છે. સક્રિય દર્દીઓની સંખ્યા પણ વધીને 11994 થઈ ગઈ છે. તેમાંથી 2255 દર્દીઓ હોસ્પિટલોમાં દાખલ છે. કોવિડ કેર સેન્ટર્સમાં 39 અને હોમ આઇસોલેશનમાં 6106 સારવાર આપવામાં આવી રહી છે.
આ પણ વાંચો :કોરોનાએ હવે બાળકોને બનાવ્યા શિકાર, સિવિલમાં નોંધાયા આટલા પોઝિટીવ કેસ
વિભાગ અનુસાર, છેલ્લા 24 કલાકમાં 87,505 લોકોની સ્ક્રીનિંગ કરવામાં આવી. આરટીપીસીઆર પદ્ધતિનો ઉપયોગ કરીને 54,898 પરીક્ષણો અને ઝડપી એન્ટિજેન્સ સાથે 32,607 પરીક્ષણો કરવામાં આવ્યા હતા. અત્યાર સુધીમાં 1 કરોડ 47 લાખ 41 હજાર નમૂનાઓ તપાસવામાં આવ્યા છે. કન્ટિમેન્ટ ઝોનની સંખ્યા વધીને 2338 થઈ છે. એક દિવસમાં 200 થી વધુ રેડ ઝોન બનાવવામાં આવ્યા છે.
