કોરોના વાયરસનાં વિશ્વ વ્યાપી ડરને કારણે દેશમાંથી કોરોના વાયરસનો શિકાર થયેલ કોઈ પુષ્ટિ પામેલ દર્દી મળ્યા નથી, પરંતુ કોરોના વાયરસને કારણે શંકાસ્પદ દર્દીઓની સંખ્યા વધી રહી છે. કેન્દ્રીય આરોગ્ય મંત્રાલય, કોરોના વાયરસના ચેપ અંગે એલર્ટ પર છે, જે ચીનમાં કચવાટ લાવી રહ્યો છે. ચીનથી આવતા મુસાફરોનું થર્મલ સ્કેનીંગ એરપોર્ટ પર જ કરવામાં આવી રહ્યું છે. બિહાર, રાજસ્થાન, દિલ્હી પછી હવે મોહાલીથી પણ કોરોના વાયરસનો શંકાસ્પદ કેસ સામે આવ્યો છે.
તાજેતરમાં ચીનથી પરત આવેલા મોહાલીનો એક 28 વર્ષિય વ્યક્તિ વાયરસથી ચેપ લાગ્યો હોવાની શંકાના આધારે ચંદીગઢના પીજીઆઈએમઆરમાં દાખલ થયો છે. વ્યક્તિને ડોકટરોની દેખરેખ હેઠળ આઇસોલેશન વોર્ડમાં દાખલ કરવામાં આવી છે. દર્દીનાં સેમ્પલ લઇને તપાસ માટે મોકલવામાં આવ્યા છે.
દિલ્હીમાં ત્રણ શંકાસ્પદ લોકોની ઓળખ
દિલ્હીમાં કોરોના વાયરસના ત્રણ શંકાસ્પદ લોકોની પણ ઓળખ કરવામાં આવી છે. વાયરસની શંકાસ્પદ લોકોને આરએમએલ હોસ્પિટલના આઇસોલેશન વોર્ડમાં દાખલ કરવામાં આવ્યા છે. મળતી માહિતી મુજબ આ લોકો તાજેતરમાં જ ચીનથી પરત ફર્યા છે. તેથી, તેના નમૂનાને પરીક્ષા માટે પુણેના નેશનલ ઇન્સ્ટિટ્યૂટ ઓફ વિરોલોજી, મોકલવામાં આવ્યા છે.
આપને જણાવી દઇએ કે, પૂર્વે બિહાર, રાજસ્થાનમાંથી પણ કોરોના વાયરસનાં શંકાસ્પદ મુસાફરો(ચીનથી આવતા પ્રવાસી)ઓને આઇડેન્ટીફાઇ કરવામાં આવ્યા હતા અને વધુ તપાસ સાથે સારવાર માટે હોસ્પીટલમાં રાખવામાં આવ્યા હતા.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન
