- મહેસાણાના બિલ્ડરના ખાતામાં વગર ઓટીપીએ 37 લાખ છૂ
- બેન્કની સિક્યોરિટી સિસ્ટમની ઐસી કી તૈસીઃ કરતાં સાઇબર ગુનેગારો
- બિલ્ડરો તરત જ ખાતુ બ્લોક કરતાં બાકીના 64 લાખની રકમ બચી ગઈ
સાઇબર ગુનેગારો રીતસરના બેફામ બની રહ્યા છે. તેમા પણ બેન્કમાં વધારે રકમ રાખનારા અને તેમા પણ ચાલુ ખાતામાં વધારે રકમ રાખનારાઓએ ચેતતા રહેવાની જરૂર છે. મહેસાણાના બિલ્ડર સાથે થયેલો સાઇબર ક્રાઇમનો (Cyber crime) બનાવ ભલભલાને વિચારતા કરી દે તેવો છે.
સામાન્ય રીતે સાઇબર ક્રાઇમના કિસ્સામાં(Cyber crime) ઓટીપી શેર કરવામાં આવતા રૂપિયા ઉપડી જા છે. પણ હવે સાઇબર ગઠિયાએ ટેકનોલોજીમાં માસ્ટર બનતા બેન્કની સિકયોરિટી સિસ્ટમની ઐસી કી તૈસી કરીને રૂપિયા ઉપાડી લેતા બિલ્ડરની સાથે-સાથે બેન્ક પણ ચોંકી ઉઠી છે.
બિલ્ડરે જો તાત્કાલિક ખાતુ બ્લોક કર્યુ ન હોત તો સાઇબર ગઠિયો 64 લાખ રૂપિયા તેના ખાતામાંથી તફડાવી ગયો હોત. સાઇબર ગઠિયાએ ફક્ત અડધો કલાકમાં જ બિલ્ડરના ખાતામાંથી 37 લાખ રૂપિયા ત્રણ ટ્રાન્ઝેકશનમાં ઉપાડી લીધા હતા. બિલ્ડરે આ અંગે મહેસાણા સાઇબર ક્રાઇમમાં (Cyber crime) પોલીસ ફરિયાદ નોંધાવી છે. બિલ્ડરે ફરિયાદ નોંધાવી હતી કે વગર ઓટીપી કે કોલ વગર ખાતામાંથી 37 લાખ રૂપિયા કપાઈ ગયા હતા.
મહેસાણાના રાધનપુર રોડ પર કૃષ્મ સોસાયટીમાં રહેતા અને સાંકેત બિઝનેસ હબ ખાતે ઉર્વી કન્સ્ટ્રકશનના કારોબાર સાથે જોડાેલા બિલ્ડર દુષ્યંતભાઈ પટેલ ઓફિસમાં બેઠા હતા. 21 ડિસેમ્બરના રોજ તેમના મોબાઇલ બેન્ક ખાતામાંથી બપોરે ત્રણથી પોણા ચાર વાગે સંદેશો આવ્યો હતો, આ મુજબ આઇસીઆઇસીઆઇ બેન્કમાં તેમના ખાતામાંથી દસ લાખ રૂપિયા કપાઈને બેન્કના જ અન્ય ખાતામાં જમા થયા હતા.
તેના પછી તરત જ બીજો સંદેશ આવ્યો હતો જેમા બીજા દસ લાખ આઇસીઆઇસીઆઇ બેન્કના બીજા ખાતામાં ગયા હતા. આમ વીસ લાખ ખાતામાંથી કપાયાના બે મેસેજ મળતા તેઓ દોડીને ઓફિસ નીચે આવેલી આઇસીઆઇસીઆઇ બેન્કની શાખામાં ગયા હતા. તેઓએ ત્યા બનાવની જાણ બેન્કના કર્મચારીને કરતા હતા તેવામાં ત્રીજો મેસેજ આવ્યો હતો, જેમા વધુ 17 લાખ બેન્કના ખાતામાંથી ઉપડી ગયા હતા. આમ ફક્ત 30 મિનિટમાં 37 લાખ ઉપડી ગયા હતા. તેના પગલે દુષ્યંતભાઈએ બેન્ક ખાતુ બ્લોક કરાવી દીધુ હતુ. તેના પગલે ખાતામાં પડેલા બીજા 64 લાખની રકમ બચી ગઈ હતી.
આ બનાવના પગલે ફરિયાદીએ સાઇબર ક્રાઇમના ટોલ ફ્રી નંબર પર ફરિયાદ નોંધાવી હતી. સાઇબર સેલે 37 લાખની રકમનું પેમેન્ટ પણ જપ્ત કર્યુ છે. આમ બેન્કના બીજા ખાતામાં ગયેલી રકમને ગઠિયો ઉપાડી નહી શકે. પણ આ તો બિલ્ડરે તાત્કાલિક પગલાં લેતા તેની બાકીની રકમ બચી ગઈ હતી. હવે જો તેની ઓફિસ બેન્ક શાખાથી દૂર હોત તો અને તેને બેન્કમાં પહોંચવામાં મોડું થયું હોત તો તેનું ખાતુ સાવ સાફ થઈ ગયું હોત.
આ ઘટના બતાવે છે કે સાઇબર અપરાધીઓ બેન્કની સિક્યોરિટી સિસ્ટમને તોડવામાં સફળ રહ્યા છે. હવે તેઓ તમારા અને બેન્ક કરતાં પણ આગળ વિચારી રહ્યા છે. આ ઘટના રીતસરની ઇલેક્ટ્રોનિક સિક્યોરિટી માટે મોટો પડકાર છે. આ બતાવે છે કે સાઇબર ક્રાઇમ હવે ફક્ત સંગઠિત ગુનાખોરી પૂરતો સીમિત નથી, તે તમારા ઘરઆંગણા સુધી આવી ગયો છે.
આ પણ વાંચોઃ
