અમેરિકાની મુલાકાતે આવેલા વડા પ્રધાન નરેન્દ્ર મોદી આજે હ્યુસ્ટનમાં 50,000 લોકોને સંબોધન કરશે. સિંધી, બલોચ અને પખ્તુન જૂથોના પ્રતિનિધિઓ રવિવારે અમેરિકાના હ્યુસ્ટનના એનઆરજી સ્ટેડિયમની સામે એક સાથે પ્રદર્શન કરીને પાકિસ્તાનથી આઝાદી મેળવવા માટે વડા પ્રધાન નરેન્દ્ર મોદી અને યુએસ પ્રમુખ ડોનાલ્ડ ટ્રમ્પનું ધ્યાન દોરવાની કોશિશ કરવાનાં છે.ત્યારે શનિવારે આખા અમેરિકામાંથી બલોચ અમેરિકન, સિંધી અમેરિકન અને પખ્તુન અમેરિકન સમુદાયના લોકો અહીં પહોંચ્યા છે. યુ.એસ. માં તેનું આ પ્રકારનું પ્રથમ પ્રદર્શન જોવામાં આવશે. ત્રણેય સમુદાયોનાં લોકો એક સાથે ભારત અને અમેરિકાના નેતાઓ પાસે પોતાનાં પ્રાંતોને પાકિસ્તાનથી આઝાદી મેળવવા મદદની વિનંતી કરશે.
સૂત્રોનાં જણાવ્યા અનુસાર, આ દરમિયાન, પાકિસ્તાન દ્વારા માનવાધિકારના ઉલ્લંઘન પર સિંધી કાર્યકર્તા ઝફરે કહ્યું હતું કે તેઓ PM મોદીને આ પ્રાંતની આઝાદી માટે વિનંતી પણ કરશે.’ સિંધી લોકો એક સંદેશ સાથે હ્યુસ્ટન પહોંચ્યા છે. જ્યારે મોદીજી સવારે અહીંથી પસાર થશે અને અમે તેમને સંદેશ આપીશું કે અમારે પાકિસ્તાનથી આઝાદી જોઈએ છે. અમને આશા છે કે મોદીજી અને રાષ્ટ્રપતિ ટ્રમ્પ અમને મદદ કરશે.
જૂથોના સભ્યોએ શનિવારે આક્ષેપ કર્યો હતો કે પાકિસ્તાન સરકાર તેમના સમુદાયના લોકો સાથે માનવાધિકારનું ઉલ્લંઘન કરી રહી છે. અમેરિકામાં બલોચ રાષ્ટ્રીય ચળવળના પ્રતિનિધિ નબી બક્ષ બલોચે કહ્યું કે, અમે પાકિસ્તાન પાસેથી આઝાદીની માંગ કરી રહ્યા છીએ. જેમ ભારતે 1971માં બાંગ્લાદેશની જનતાની મદદ કરી હતી, તેમ ભારત અને અમેરિકાએ પણ અમારી મદદ કરવી જોઈએ. તેમણે કહ્યું, “અમે અહીં અમારા હેતુઓ માટે વડા પ્રધાન મોદી અને ટ્રમ્પના સમર્થનની વિનંતી કરવા આવ્યા છીએ. પાકિસ્તાન સરકાર બલોચ લોકોના માનવાધિકારનું મોટા પાયે ઉલ્લંઘન કરી રહી છે.
શનિવારે 100 થી વધુ અમેરિકન સિંધીઓ અહીં પહોંચ્યા હતા. તેઓ એનઆરજી સ્ટેડિયમની સામે એકત્રીત થવાનું વિચારી રહ્યા છે જ્યાં રવિવારે મોદીનો ‘#હાઉડી_મોદી’ કાર્યક્રમ યોજાનાર છે. તેમને આશા છે કે આઝાદીની માંગણી કરનારા પોસ્ટર-બેનર પર મોદી અને ટ્રમ્પનું ધ્યાન મળશે. જય સિંધ મુતાહિદા મુહાઝના ઝફર સાહેરોએ કહ્યું કે, “સૌથી મોટા અને સૌથી જૂના લોકશાહી-સ્વતંત્ર વિશ્વના નેતાઓની આ ઐતિહાસિક રેલી છે.” આમારે, સિંધની જનતાને પાકિસ્તાનથી આઝાદી જોઈએ છે. 1971માં જેમ જેમ ભારતે બાંગ્લાદેશને આઝાદી અપાવવામાં મદદ કરી હતી, તેમ અમારે સિંધ એક અલગ દેશ જોઈએ છે. અમને આશા છે કે PM મોદી અમારી મદદ કરશે.
ઉલ્લેખનીય છે કે, પાકિસ્તાનનાં કબજા હેઠળનાં આ ત્રણેય પ્રાંતનાં લોકો દ્વારા વિશ્વનાં બીજા દેશમાં ભારતનાં વડાપ્રધાન PM મોદી પાસે પોતાનાં પ્રાંતની આઝાદીની મદદ માંગવી અને આશા પણ વ્યક્ત કરવી કે અમને મદદ મળશે, તેનો શ્રેય PM મોદી અને તેની આગેવાનીવાળી ભારત સરકારનાં કાશ્મીરમાંથી 370 હટાવવાનાં ઐતિહાસીક પગલાને જાઇ છે.
જુઓ સમગ્ર અહેવાલ મંતવ્ય ન્યૂઝ પર……
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
