કેન્દ્ર સરકાર બુધવારે સાંજે ખેડુતો માટે એક સારા સમાચાર લાવ્યા છે. સરકારે ડીએપી ખાતર પરની સબસિડીમાં 140% વધારો કર્યો છે. એટલે કે, બોરી દીઠ 500 રૂપિયાને બદલે, ખેડૂતોને 1200 રૂપિયાની સબસિડી મળશે. આ સાથે, ખેડુતોએ દર બોરી એ 2,400 ની જગ્યાએ 1200 રૂપિયા ચૂકવવા પડશે.
વડા પ્રધાન નરેન્દ્ર મોદીની અધ્યક્ષતામાં બુધવારે મળેલી ઉચ્ચ-સ્તરીય બેઠકમાં આ નિર્ણય લેવામાં આવ્યો છે. પીએમે કહ્યું કે આંતરરાષ્ટ્રીય બજારમાં વધારો થયો હોવા છતાં, ખેડૂતોને જૂના દરે ખાતર મળશે. કેન્દ્ર સરકાર આ માટે સબસિડી પર વધારાના 14,775 કરોડ રૂપિયા ખર્ચ કરશે. અગાઉ, એક થેલી દીઠ સબસિડીની માત્રામાં ક્યારેય આટલો વધારો કરવામાં આવ્યો નથી.
બેઠકમાં ચર્ચા કરવામાં આવી હતી કે આંતરરાષ્ટ્રીય સ્તરે ફોસ્ફોરિક એસિડ, એમોનિયા વગેરેના વધતા ભાવને કારણે ખાતરોના ભાવમાં વધારો થઈ રહ્યો છે. વડા પ્રધાને ભારપૂર્વક જણાવ્યું હતું કે આંતરરાષ્ટ્રીય ભાવોમાં વધારો હોવા છતાં, ખેડૂતોને જૂના દરે ખાતર આપવાનું નક્કી કરવામાં આવ્યું છે.
રાહુલ ગાંધીએ ટ્વિટ કરીને ભાવવધારા અંગે જણાવ્યું હતું
કોંગ્રેસના સાંસદ રાહુલ ગાંધીએ ડીએપીના ભાવમાં વધારો કર્યાના સમાચાર સાથે આજે સવારે કેન્દ્ર સરકાર પર હુમલો કરતું ટ્વીટમાં લખ્યું હતું. તેમને લખ્યું હતું કે, કેન્દ્ર સરકારે શું વધાર્યું? : જીએસટી અને પેટ્રોલ ડીઝલ ખાતરના ભાવ, મોદી મિત્રોની આવક, અન્નદાતા ઉપર મહામારીમાં પણ અત્યાચાર
કેન્દ્ર સરકારે શું ઘટાડ્યું ? : કૃષિ સબસિડી, ખેડૂતની આવક અને કેન્દ્ર સરકારનું ગૌરવ.
અગાઉ 1700 રૂપિયાqnqniક્નિ બોરી ઉપર 500 રૂપિયાની સબસિડી હતી.
ગયા વર્ષે ડીએપીનો અસલ ભાવ પ્રતિ બેગ રૂ. 1,700 હતો. જેમાં કેન્દ્ર સરકાર બેગ દીઠ 500 રૂપિયાની સબસિડી આપી રહી હતી. તેથી કંપનીઓ ખેડુતોને બેગ દીઠ રૂ .1200 ના દરે ખાતર વેચતી હતી. તાજેતરમાં ડીએપીમાં વપરાતા ફોસ્ફોરિક એસિડ, એમોનિયા વગેરેનાં આંતરરાષ્ટ્રીય ભાવો 60% થી વધીને 70% થઈ ગયા છે.
આ કારણોસર, ડીએપી બેગની વાસ્તવિક કિંમત હવે 2400 રૂપિયા છે, જે ખાતર કંપનીઓ દ્વારા રૂપિયા 500 ની સબસિડીમાં 1900 રૂપિયામાં વેચાય છે. આજના નિર્ણય સાથે, ખેડૂતોને માત્ર 1200 રૂપિયામાં ડીએપી બેગ મળવાનું ચાલુ રહેશે.
