India News: NEET પેપર લીક વિવાદ બાદ કેન્દ્રીય શિક્ષણ મંત્રી પદેથી રાજીનામું આપનાર ધર્મેન્દ્ર પ્રધાન ફરી એકવાર ચર્ચાના કેન્દ્રમાં છે. Dharmendra Pradhan અંગે રાજકીય અટકળો વચ્ચે તેમણે કોંગ્રેસના જયરામ રમેશ સાથેની વાતચીત દરમિયાન કહ્યું, “હું સ્ટ્રીટ ફાઇટર છું, AC રૂમનો એક્ટિવિસ્ટ નથી.” આ નિવેદન બાદ હવે ભાજપમાં તેમની આગામી ભૂમિકાને લઈને ચર્ચાઓ વધુ તેજ બની છે.

ધર્મેન્દ્ર પ્રધાનના રાજીનામા બાદ  હવે શું ની અટકળો તેજ | Dharmendra Pradhan

ધર્મેન્દ્ર પ્રધાનએ NEET પેપર લીક મુદ્દે વિદ્યાર્થીઓના વિરોધ પ્રદર્શન બાદ કેન્દ્રીય શિક્ષણ મંત્રી પદેથી રાજીનામું આપ્યું હતું. જોકે રાજીનામા બાદ તેમની રાજકીય કારકિર્દી સમાપ્ત થવાની કોઈ શક્યતા દેખાતી નથી. ભાજપના વરિષ્ઠ નેતા અને ચૂંટણી વ્યૂહરચનાકાર તરીકે ઓળખાતા પ્રધાનને હવે પાર્ટી સંગઠનમાં મહત્વપૂર્ણ જવાબદારી મળી શકે તેવી ચર્ચા છે. સંસદ ભવનમાં કોંગ્રેસ નેતા જયરામ રમેશ તેમની મુલાકાતે પહોંચ્યા ત્યારે તેમણે સહાનુભૂતિ વ્યક્ત કરી હતી. તેના જવાબમાં ધર્મેન્દ્ર પ્રધાને કહ્યું, “Nothing happened. I am a street fighter, not an AC room activist.” આ નિવેદનથી તેમણે સ્પષ્ટ સંદેશ આપ્યો કે તેઓ આગામી રાજકીય પડકારો માટે સંપૂર્ણ રીતે તૈયાર છે.

સંસદમાં ઉષ્માભર્યું સ્વાગત, નેતાઓએ વ્યક્ત કર્યો વિશ્વાસ

ભાજપ નેતૃત્વ (BJP Leadership) એ ધર્મેન્દ્ર પ્રધાનને રાજીનામા બાદ એકલા છોડ્યા નથી. તેઓ પ્રથમ વખત સંસદ પહોંચ્યા ત્યારે NDAના અનેક સાંસદોએ તેમનું ઉષ્માભર્યું સ્વાગત કર્યું. કેટલાક સાંસદોએ તેમને પાઘડી પહેરાવી તો કેટલાકે અંગવસ્ત્ર અર્પણ કરીને સન્માન વ્યક્ત કર્યું. ગૃહમંત્રી અમિત શાહ (Amit Shah)તેમના નિવાસસ્થાને પહોંચ્યા હતા. ઉપરાંત, ભાજપના રાષ્ટ્રીય અધ્યક્ષ નિતિન નવીન અને રક્ષામંત્રી રાજનાથ સિંહે શિક્ષણ ક્ષેત્રે ધર્મેન્દ્ર પ્રધાનના યોગદાનની પ્રશંસા કરી હતી. પાર્ટીના નેતાઓનું માનવું છે કે તેમનું રાજીનામું કમજોરી નહીં પરંતુ રાજકીય જવાબદારી અને રાષ્ટ્રહિતનું ઉદાહરણ છે.

ઓડિશામાં હજુ પણ મજબૂત છે ધર્મેન્દ્ર પ્રધાનનો પ્રભાવ

ઓડિશા રાજકારણ (Odisha Politics)માં ધર્મેન્દ્ર પ્રધાન આજે પણ સૌથી પ્રભાવશાળી ભાજપ નેતાઓમાંના એક માનવામાં આવે છે. 2014 બાદ ઓડિશામાં ભાજપના વિસ્તારથી લઈને 2024ની વિધાનસભા ચૂંટણીમાં મળેલી સફળતા સુધી તેમની મહત્વપૂર્ણ ભૂમિકા રહી છે. પાર્ટી સૂત્રોના જણાવ્યા મુજબ રાજ્યના 78 ભાજપ ધારાસભ્યોમાંથી મોટા ભાગના ધારાસભ્યો અને રાજ્ય સરકારના લગભગ 40 ટકા મંત્રીઓ તેમની નજીકના માનવામાં આવે છે. તેથી રાજીનામા બાદ પણ ઓડિશામાં તેમનો પ્રભાવ ઓછો થશે તેવી શક્યતા ઓછી માનવામાં આવી રહી છે.

અનેક રાજ્યોમાં જીતના વ્યૂહકાર તરીકે ઓળખ

ધર્મેન્દ્ર પ્રધાન માત્ર કેન્દ્રીય મંત્રી તરીકે જ નહીં પરંતુ ભાજપના સફળ ચૂંટણી વ્યૂહકાર તરીકે પણ જાણીતા છે. બિહાર, હરિયાણા, ઉત્તર પ્રદેશ, મધ્ય પ્રદેશ, ઉત્તરાખંડ, કર્ણાટક અને પશ્ચિમ બંગાળ સહિત અનેક રાજ્યોમાં પાર્ટીને જીત અપાવવામાં તેમની મહત્વપૂર્ણ ભૂમિકા રહી છે. રાજકીય વિશ્લેષકોનું માનવું છે કે આગામી પાંચ રાજ્યોની વિધાનસભા ચૂંટણીમાં ભાજપ તેમને ફરી મોટી જવાબદારી સોંપી શકે છે. સાથે જ પાર્ટી સંગઠનમાં પણ તેમને મહત્વપૂર્ણ સ્થાન મળવાની શક્યતા વ્યક્ત કરવામાં આવી રહી છે.

ધર્મેન્દ્ર પ્રધાનના સમર્થકોનું કહેવું છે કે તેમણે પદનો ત્યાગ કરીને રાજકીય જવાબદારીનું ઉદાહરણ પૂરું પાડ્યું છે, જેના કારણે તેમની લોકપ્રિયતા અને વિશ્વસનીયતા વધુ મજબૂત બની શકે છે.

આ પણ વાંચો: ધર્મેન્દ્ર પ્રધાનના રાજીનામા પર અમિત શાહે કહ્યું, દેશ પહેલા આવે છે, વિદ્યાર્થીઓથી વધુ કોઈ પદ મહત્વનું નથી

આ પણ વાંચો: ધર્મેન્દ્ર પ્રધાનના રાજીનામા બાદ પ્રહલાદ જોશીને શિક્ષણ મંત્રાલયનો વધારાનો ચાર્જ

આ પણ વાંચો: સરકાર સાથે 3 રાઉન્ડની ચર્ચા બાદ CJPનો દાવો: “ધર્મેન્દ્ર પ્રધાનનું રાજીનામું અમારી પહેલી જીત”