New Delhi News: કેન્દ્રીય શિક્ષણ મંત્રી ધર્મેન્દ્ર પ્રધાનના રાજીનામા બાદ શિક્ષણ મંત્રાલયની વધારાની જવાબદારી કેન્દ્રીય મંત્રી પ્રહલાદ જોશીને (Prahlad Joshi Education Ministry) સોંપવામાં આવી છે. વડાપ્રધાનની ભલામણના આધારે રાષ્ટ્રપતિએ તેમને તેમના હાલના વિભાગો સાથે શિક્ષણ મંત્રાલયનો વધારાનો ચાર્જ સંભાળવાની મંજૂરી આપી છે.
President Droupadi Murmu, as advised by the Prime Minister, has accepted the resignation of Dharmendra Pradhan.
Further, as advised by the Prime Minister, the President has directed that Pralhad Joshi, Cabinet Minister, be assigned the charge of the Ministry of Education, in… pic.twitter.com/rMmTK99zdR
— ANI (@ANI) July 25, 2026
Prahlad Joshi Education Ministry: હાલ ત્રણ મહત્વના મંત્રાલયોની જવાબદારી
પ્રહલાદ જોશી હાલમાં ખાદ્ય અને જાહેર વિતરણ, ઉપભોક્તા બાબતો તેમજ નવી અને નવીનીકરણીય ઊર્જા સહિતના વિભાગોની જવાબદારી સંભાળી રહ્યા છે. હવે તેઓ શિક્ષણ મંત્રાલયનો વધારાનો કાર્યભાર પણ સંભાળશે.
36 દિવસથી જંતર-મંતર પર ચાલી રહ્યો હતો વિરોધ
NEET પેપર લીક મુદ્દે શિક્ષણ મંત્રીના રાજીનામાની માંગ સાથે કોકરોચ જનતા પાર્ટી (CJP) છેલ્લા 36 દિવસથી દિલ્હીના જંતર-મંતર ખાતે વિરોધ પ્રદર્શન કરી રહી હતી. આ દરમિયાન ધર્મેન્દ્ર પ્રધાને રાજીનામું આપ્યા બાદ રાજકીય ગતિવિધિઓ તેજ બની છે.
Prahlad Joshi Education Ministry: ગ્રાહક બાબતો, ખાદ્ય અને જાહેર વિતરણ મંત્રી
રાષ્ટ્રપતિએ વડાપ્રધાનની ભલામણના આધારે તેમને તેમના હાલના મંત્રાલયોની સાથે શિક્ષણ મંત્રાલયની જવાબદારી પણ સોંપી છે.પ્રહલાદ જોશી હાલમાં કેન્દ્રીય ગ્રાહક બાબતો, ખાદ્ય અને જાહેર વિતરણ મંત્રી તરીકે ફરજ બજાવી રહ્યા છે. આ મંત્રાલય દેશમાં આવશ્યક ચીજવસ્તુઓની ઉપલબ્ધતા, જાહેર વિતરણ પ્રણાલી (PDS), રાશન વ્યવસ્થા, ગ્રાહકોના અધિકારોનું રક્ષણ અને ખાદ્ય સુરક્ષા સંબંધિત નીતિઓ માટે જવાબદાર છે.
નવી અને નવનીકરણીય ઊર્જા મંત્રાલયની પણ જવાબદારી
તેઓ કેન્દ્રીય નવી અને નવનીકરણીય ઊર્જા મંત્રી તરીકે પણ કાર્યરત છે. આ મંત્રાલય સોલાર, પવન, ગ્રીન હાઇડ્રોજન સહિત સ્વચ્છ ઊર્જા પ્રોજેક્ટ્સને પ્રોત્સાહન આપવા અને ભારતના હરિત ઊર્જા લક્ષ્યોને આગળ વધારવામાં મહત્વપૂર્ણ ભૂમિકા ભજવે છે.
ઇન્ટરનેશનલ સોલાર એલાયન્સ (ISA)ના પ્રમુખ
પ્રહલાદ જોશી ઇન્ટરનેશનલ સોલાર એલાયન્સ (ISA)ના પ્રમુખ પણ છે. ભારત અને ફ્રાન્સની પહેલથી રચાયેલી આ વૈશ્વિક સંસ્થા વિશ્વભરમાં સૂર્ય ઊર્જાના ઉપયોગને પ્રોત્સાહન આપવા માટે કાર્ય કરે છે.
ધારવાડ લોકસભા બેઠકનું પ્રતિનિધિત્વ
પ્રહલાદ જોશી કર્ણાટકની ધારવાડ લોકસભા બેઠકમાંથી અનેક વખત સાંસદ તરીકે ચૂંટાઈ આવ્યા છે. તેઓ લાંબા સમયથી ભારતીય રાજકારણમાં સક્રિય છે અને હવે શિક્ષણ મંત્રાલયનો વધારાનો કાર્યભાર સંભાળતા દેશના શિક્ષણ ક્ષેત્ર સાથે જોડાયેલા મહત્વપૂર્ણ નિર્ણયો અને નીતિઓમાં પણ મુખ્ય ભૂમિકા ભજવશે.
આ પણ વાંચો: CJPએ આંદોલન સમાપ્ત કરવાની કરી જાહેરાત, “સરકારે ત્રણેય મુખ્ય માંગણીઓ સ્વીકારી”
આ પણ વાંચો: જંતર-મંતર પર CJPના પ્રદર્શનમાં હિંસા, 118થી વધુ પોલીસકર્મી ઘાયલ; 70 પ્રદર્શનકારીઓની અટકાયત
આ પણ વાંચો: શું માત્ર પત્ર આપવાથી જ મંત્રી પદ છૂટી જાય? જાણો રાજીનામાની સંપૂર્ણ બંધારણીય પ્રક્રિયા
