હાલ દિવાળીનો તહેવાર ચાલી રહ્યો છે. દરેક જગ્યાએ ખુશીમો માહોલ જોવા મળી રહ્યો છે ત્યારે આવામાં અમદાવાદમાં એક કરૂણ ઘટના સામે આવી છે. અહીં ઘાટલોડિયામાં તહેવારના સમયે લૂંટના ઈરાદે વૃદ્ધ દંપતી હત્યા ની ઘટના બનતા ચકચાર મચી ગઈ છે.
આ પણ વાંચો :અમદાવાદ-વડોદરા એક્સપ્રેસ વે પર વાહનો પર ફેંકાયા પથ્થર, અનેક ગાડીઓના તૂટતા કાચ
આ મામલે મળતી માહિતી અનુસાર, અમદાવાદનો ઘાટલોડિયા વિસ્તારનો પણ જાણીતો વિસ્તાર એટલે રન્નાપાર્ક.અને આ એરિયાની પોશ સોસાયટી એટલે પારસમણી ફલેટ. દિવાળીના સમયનો લાભ લઈ પૌત્રી સાથે રહેતા વૃદ્ધ દંપતીની હત્યા કરી દેવાતા હડકંપ મચ્યો છે. દયાનંદ અને વિજયાલક્ષ્મી નામના દંપતી પારસમણી ફલેટમાં K બ્લોકના 11નંબરમાં રહેતા હતા. મૃતક દંપતીનો દીકરો અડાલજમાં રહે છે અને પૌત્રી દિવાળીને લઇને ખરીદી કરવા ગયા હતા તે સમયનો લાભ ઉઠાવી અજાણ્યા શખ્સો લુંટ ઈરાદે આવે છે. અને રાત્રિના અંધકારનો લાભ લઈ દયાનંદ અને વિજયાલક્ષ્મીની હત્યા કરી લુંટ કરી છૂમંતર થઈ જાય છે.
મૂળ કર્ણાટકના અને વર્ષોથી અમદાવાદમાં રહેતા દયાનંદ સુખરાવ શાનબાગ તથા તેમના પત્ની વિદ્યાલક્ષ્મી દયાનંદ શાનબાગ ઘટના સમયે ઘરમાં એકલા જ હતા. તેઓ છેલ્લા કેટલાક સમયથી રન્નાપાર્ક પાસે આવેલા પારસમણી ફ્લેટમાં રહેતા હતા. તેમનો પુત્ર અડાલજમાં પરિવાર સાથે રહે છે અને ખાનગી કંપનીમાં નોકરી કરે છે.
કિરણ શાનબાગની દીકરી દાદા-દાદી સાથે રહેતી હતી પરંતુ જ્યારે તે કોઈ કામથી બહાર ગઈ હતી ત્યારે આ ઘટના બની હોવાનું માનવામાં આવી રહ્યું છે. પૌત્રી બહાર ગઈ હોવાથી ઘરે દંપતી એકલા હતા, આ દરમિયાન જ્યારે ઘરે દવાનું પાર્સલ લઈને ડિલિવરી બોય આવ્યો ત્યારે કોઈ દરવાજો ખોલતું નહોતું. આ પછી ડિલિવરી બોયે પાડોશીને જણાવ્યું કે પોતે દવા લઈને આવ્યો છે અને કોઈ ઘર ખોલતું નથી. આ પછી પાડોશીઓએ પણ વારંવાર બેલ વગાડ્યો અને દરવાજો ખખડાવ્યો હતો પરંતુ કોઈ દરવાજો ખોલતું નહોતું, જેથી પાડોશી મહિલાએ દરવાજાને ધક્કો મારવામાં આવ્યો તો તે ખુલી ગયો હતો.
ઘટનાની જાણ પોલીસને કરવામાં આવતા મોટી સંખ્યામાં અધિકારીઓ સહિતનો કાફલો સોસાયટી દોડી આવ્યો હતો. મૃતદેહોને ફોરેન્સિક તપાસ માટે ખસેડવાની કાર્યવાહી હાથ ધરવામાં આવી હતી . આ માટે FSLની ટીમ ઘટના સ્થળે પહોંચી હતી. પોલીસ આસપાસના લોકોની પણ પૂછપરછ કરી રહી છે. સોસાયટીની બહાર અને અંદર કઈ કઈ જગ્યાએ સીસીટીવી છે તેની પણ તપાસ કરવામાં આવી રહી છે.
આ પણ વાંચો :બજારમાં ખરીદીની ધૂમ, ખરીદીને લઈને વેપારીઓમાં ખુશી
ઘરની તિજોરી, કબાટ વેરણ છેરણ મળી આવ્યા છે. FSLની ટીમે ઘટના સ્થળે જઈને તપાસ કરી. મૃતક વૃદ્ધની ઉંમર હતી 90 વર્ષ, તો મૃતક વૃદ્ધા હતા 80 વર્ષના. હત્યાને લઈને સ્થાનિકોમાં ફફડાટ છે. હાલ તો પોલીસ ઘટના સ્થળે પહોંચી છે અને તપાસ હાથ ધરવામાં આવી છે.
સામાન્ય રીતે દિવાળીના તહેવારમાં પોલીસે એલર્ટ રહેવાનું હોય અને સતત પેટ્રોલિંગ કરવાના ઉચ્ચ અધિકારીઓ દ્વારા આદેશ કરવામાં આવે છે અને પોલીસ એલર્ટ છે તેવી બડાઈઓ મારવામાં આવી હતી પરંતુ ઘાટલોડિયાની ઘટનાએ પોલીસ ની સુરક્ષાની બડાઈ મારતી પોલ ખોલી નાખી છે. જ્યારે ઘાટલોડિયા પોલીસના નિવૃત્ત વહીવટદાર બોક્સ વેચાણ અને મીઠાઈ વેચવામાં પોલીસને વ્યસ્ત રાખી હોવાની ચર્ચા પોલીસ બેડામાં થઈ રહી છે.
આ પણ વાંચો : રણમાં પક્ષીઓનો શિકાર કરવા નીકળેલા શિકારીઓ અભ્યારણ્ય વિસ્તારમાં પ્રવેશ કરે તે પહેલાં જ માલવણથી દબોચ્યા
આ પણ વાંચો :સૌરાષ્ટ્રના મોટાભાગના માર્કેટીંગ યાર્ડમાં કાલથી દિવાળી વેકેશન પડી જશે
આ પણ વાંચો :રાજયમાં છેલ્લા 24કલાકમાં કોરોનાના નવા 30 કેસ નોંધાયા
