મુંબઈ,

બોલિવૂડની ‘ક્વીન’ કંગના રાનૌત તેની ફિલ્મોના લગભગ દરેક પાત્ર માટે ખુબજ મહેનત કરે છે. ભલે પછી તે કિરદારને મેહસૂસ કરવા માટેનું કામ હોય કે પછી લૂક પર હોય, કંગના ક્યારે પણ પાછીપાની કરતી નથી.

આજકાલ કંગના રાજનેતા જયલલિતાની બાયોપિક ‘થલાઇવી’ ની તૈયારીમાં વ્યસ્ત છે અને આ તૈયારીની તસ્વીર પણ સોશિયલ મીડિયા પર સામે આવી છે. જણાવીએ કે કંગનાએ આ ફિલ્મમાં જયલાલિતા જેવો દેખાવા માટે પ્રોસ્થેટિક મેકઅપની મદદ લેવી પડશે અને આ લુક ટેસ્ટ માટે તે બે દિવસ પહેલા લોસ એંજલિસ રવાના થઈ હતી.

હવે ત્યાંથી કંગનાના આ મેકઅપની તૈયારીની સામે આવી છે, જેને જોઈને જ તેનો અંદાજ લગાવી શકાય છે. કંગનાની બહેન અને તેના પબ્લિસિસ્ટ રંગોલી ચાંડેલે તેના મેકઅપની તૈયારી કરતાં તસવીરો શેર કરી છે. આ તસવીરોમાં કંગના આ પ્રક્રિયામાં શાંતિથી બેઠેલી જોવા મળી રહી છે. જો કે, તેના ચહેરા પરની પેસ્ટ જોઈને, તે સ્પષ્ટ છે કે આ પ્રક્રિયામાં તેને શ્વાસ લેવો કેટલો મુશ્કેલ છે.

https://twitter.com/Rangoli_A/status/1174762575948468224

હોલીવુડના નિષ્ણાત મેકઅપની આર્ટિસ્ટ જેસન કોલિન્સ કંગનાના લૂકનો ટેસ્ટ કરવા જઇ રહ્યા છે. જેસને ‘કેપ્ટન માર્વેલ’ અને ‘બ્લેડ રનર 2049’ જેવી ફિલ્મોમાં કામ કર્યું છે.

આપને જણાવી દઈએ કે અમિતાભ બચ્ચને ‘પા’, ‘102 નોટઆઉટ’ અને ‘બદલા’ જેવી ફિલ્મોમાં પ્રોસ્થેટિક મેકઅપનો ઉપયોગ કર્યો છે. આ સાથે જ શાહરૂખ ખાને ફિલ્મ ‘ફેન’ માં પોતાનો સાથી ખેલાડી બનવા માટે પ્રોસ્થેટિક મેકઅપનો ઉપયોગ પણ કર્યો છે. બીજી તરફ, અજય દેવગન આ મેકઅપનો ઉપયોગ તેની આગામી ફિલ્મ ચાણક્ય માટે કરી શકે છે.

કંગનાની અન્ય ફિલ્મ્સની વાત કરીએ તો તે ડિરેક્ટર અશ્વિની અય્યર તિવારીની ફિલ્મ ‘પંગા’ માં પણ જોવા મળશે. આ સિવાય તે ફિલ્મ ધાકડમાં પણ જોવા મળશે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.