મુંબઇ,
છેલ્લા 20 થી વધુ વર્ષોથી શાહરૂખ ખાન બોલિવૂડના સુપરસ્ટાર બનેલા છે. 90 ના દાયકામાં ફિલ્મ ‘દિવાની’ થી ડેબ્યુ કરનારા શાહરૂખ ને ડર, બાજીગર જેવી સતત સુપરહિટ ફિલ્મો આપી છે. તેના પછી તેમની અને કજોલની સાથેની ફિલ્મ આવી ‘દિલવાલે દુલ્હનિયા લે જાયેંગે’ જે સુપરહિટ સાબિત થઇ અને આ ફિલ્મ મુંબઈના મરાઠા મંદિર થિયેટરમાં તો 20 વર્ષથી વધુ સમય સુધી ચાલી હતી.
તાજેતરમાં મીડિયા સાથે થયેલી વાતચીતમાં શાહરુખે કહ્યું કે તેના મિત્ર સલમાન ખાને આ ફિલ્મને લઈને શું કહ્યું હતું. શાહરુખે કહ્યું, ‘પ્રોડક્શનથી બહાર પ્રથમવાર ફિલ્મ જોવાનારા વ્યક્તિ મારા મિત્ર સલમાન ખાન હતા અને તેમણે કહ્યું હતું કે ફિલ્મ ખુબ જ સારી છે.’ ત્યારબાદ શાહરૂખ અને સલમાને ઘણી સુપરહિટ ફિલ્મો જેમ કે ‘કરણ અર્જુન’, ‘કુછ કુછ હોતા હૈ’ અને ‘હમ તુમ્હારે હૈ સનમ’ માં એક સાથે કામ કર્યું હતું અને એક-બીજાની ફિલ્મોમાં કેમિયો પણ કરતા જોવા મળ્યા.
જોકે વર્ષ 2008 માં કેટરીના કૈફના જન્મદિવસ પર કોઈ વાત પર આ બંને સુપરસ્ટારમાં કંઈક ઝઘડો પણ થયો હતો, પરંતુ 7 વર્ષ પછી એકવાર ફરીથી બન્નેની મિત્રતા મજબૂત થઈ ગઈ છે. તાજેતરમાં સલમાને શાહરૂખ ખાનની ફિલ્મ ‘ઝીરો’ માં કેમિયો કરતા સોંગ ‘ઈશ્ક્બાઝી’માં જોવા મળ્યા હતા.
