National News/ ‘ચોકલેટ ખવડાવું છું’ કહી બાળકોને લઈ ગયો પિતા, નહેરમાં ફેંક્યાનો આરોપ; બંનેની શોધખોળ

છત્રપતિ સંભાજીનગરમાં 40 વર્ષીય પિતા પર 5 અને 7 વર્ષના પુત્રોને ચોકલેટ-વડાપાવની લાલચ આપી નહેરમાં ફેંક્યાનો (Father Accused) આરોપ. બંને બાળકોની શોધખોળ ચાલુ.

Top Stories India Breaking News
Father Accused: 5 અને 7 વર્ષના પુત્રોને નહેરમાં ફેંક્યાનો આરોપ

Maharastra News: મહારાષ્ટ્રના છત્રપતિ સંભાજીનગરમાં (Chhatrapati Sambhajinagar) એક પિતા (Father Accused) પર પોતાના જ બે માસૂમ પુત્રોને નહેરમાં ફેંકી દેવાનો ચોંકાવનારો આરોપ લાગ્યો છે. આરોપી પિતાએ બાળકોને ચોકલેટ અને વડાપાવ ખવડાવવાની લાલચ આપીને સ્કૂટર પર બેસાડ્યા હતા અને ત્યારબાદ જયકવાડી પ્રોજેક્ટની ડાબી નહેરમાં ફેંકી દીધા હોવાનો આક્ષેપ છે. ઘટનામાં 5 અને 7 વર્ષનાં બંને બાળકો ગુમ છે અને પોલીસ, ફાયર બ્રિગેડ તથા સ્થાનિક લોકો દ્વારા તેમની શોધખોળ કરવામાં આવી રહી છે.

Father Accused: ચોકલેટ અને વડાપાવ ખવડાવવાનું કહી બાળકોને લઈ ગયો

આ ઘટના છત્રપતિ સંભાજીનગર જિલ્લાના પૈઠણ તાલુકાના નાંદર ગામની છે. આરોપી પિતાની ઓળખ 40 વર્ષીય સોમનાથ દામોદર રોડગે તરીકે થઈ છે. તેના પુત્રોનાં નામ શ્યામ (5) અને આર્યન (7) છે.

મળતી માહિતી મુજબ, સોમવારે 16 નવેમ્બરના રોજ સાંજે આશરે 7 વાગ્યે સોમનાથે બંને બાળકોને ફરવા લઈ જવાનું અને ચોકલેટ તથા વડાપાવ ખવડાવવાનું કહી સ્કૂટર પર બેસાડ્યા હતા. ત્યારબાદ તે તેમને જયકવાડી પ્રોજેક્ટની ડાબી નહેર પાસે લઈ ગયો હતો અને કથિત રીતે બંનેને નહેરમાં ફેંકી દીધા હતા.

બાળકોને બચાવવા સ્થાનિકોએ પ્રયાસ કર્યો, પથ્થરમારાનો પણ આરોપ

ઘટના સમયે કેટલાક ખેડૂતો અને સ્થાનિક રહેવાસીઓ ત્યાં હાજર હતા. પ્રત્યક્ષદર્શીઓના જણાવ્યા મુજબ, તેમણે બાળકોને નહેરમાં ફેંકતાં રોકવાનો પ્રયાસ કર્યો હતો. જોકે, આરોપીએ તેમની સાથે દુર્વ્યવહાર કર્યો અને તેમના પર પથ્થરમારો પણ કર્યો હોવાનો આક્ષેપ છે.

પોલીસે પિતાની અટકાયત કરી, પૂછપરછમાં કબૂલાતનો દાવો

ઘટનાની જાણ થતાં પાચોડ પોલીસ સ્થળ પર પહોંચી હતી અને સોમનાથ રોડગેની અટકાયત કરી હતી. પાચોડ પોલીસના સહાયક પોલીસ નિરીક્ષક સચિન પંડિતના જણાવ્યા અનુસાર, પૂછપરછ દરમિયાન આરોપીએ બંને બાળકોને નહેરમાં ફેંક્યા હોવાની કબૂલાત કરી છે.

18 નવેમ્બરની સવાર સુધી બાળકોની ભાળ નહીં

ઘટના બાદથી પોલીસ, ફાયર બ્રિગેડના કર્મચારીઓ અને સ્થાનિક લોકો નહેરમાં (Jayakwadi Canal) બંને બાળકોની શોધખોળ કરી રહ્યા છે. નહેરની લાંબી લંબાઈ અને તેમાં પાણીના પ્રવાહને કારણે શોધ કામગીરીમાં મુશ્કેલી પડી રહી છે. 18 નવેમ્બરની સવાર સુધી બંને બાળકોનો કોઈ પત્તો લાગ્યો નહોતો.

આ ઘટના પાછળનું કારણ હજુ સુધી બહાર આવ્યું નથી. પોલીસ સમગ્ર મામલે તપાસ કરી રહી છે. પોતાના જ બે માસૂમ બાળકોને નહેરમાં ફેંકી (Children Missing) દેવાના આક્ષેપથી નાંદર ગામ અને પૈઠણ વિસ્તારમાં શોકની લાગણી ફેલાઈ છે.


આ પણ વાંચો: સુરતમાં 13 વર્ષીય સગીરાના મોતના કેસમાં 2 વર્ષ બાદ ચોંકાવનારો ખુલાસો, DNA મેચ થતા સાવકા પિતાની ધરપકડ

આ પણ વાંચો: ‘તારક મહેતા’ ફેમ અભિનેત્રીનો ચોંકાવનારો ખુલાસો, બોલિવૂડના જાણીતા વ્યક્તિ પર ગંભીર આરોપ

આ પણ વાંચો: 15 મિનિટમાં લાખોની છેતરપિંડી! કોવાયા ગામમાં મોબાઇલ હેકિંગનો ચોંકાવનારો કેસ