ગણતંત્ર દિવસ નિમિત્તે બેંગ્લોર સ્થિત કંપની nCore ગેમ્સ FAU-G ગેમ લોન્ચ કરવા જઈ રહી છે. આ ગેમ માટે લોકો લાંબા સમયથી રાહ જોતા હતા અને લોન્ચ કરતા પહેલા 40 લાખથી વધુ લોકોએ આ ગેમ માટે નોંધણી કરાવી છે.
ભારતમાં PUBG ગેમ પ્રતિબંધ બાદ તરત જ આ ગેમનીની જાહેરાત સપ્ટેમ્બર 2020માં કરવામાં આવી હતી. આવી સ્થિતિમાં, તેને પીયુબીજીનો વિકલ્પ માનવામાં આવી રહ્યો છે. પરંતુ એનકોર ગેમના સ્થાપક વિશાલ ગોંડલે ઈન્ડિયન એક્સપ્રેસને આપેલા ઇન્ટરવ્યુમાં કહ્યું હતું કે, FAUG ગેમ પહેલાથી જ બનાવવામાં આવી રહી છે અને તેની PUBG સાથે તુલના ન કરવી જોઈએ.
મલ્ટિ પ્લેયર મોડ મળશે
તમને FAU-G ગેમમાં બેટલ રોયલ ગેમપ્લે મોડ મળશે નહીં. જો કે, ઘણા ખેલાડીઓ એક સાથે તેમાં રમી શકશે. આવા મલ્ટિપ્લેયર મોડ્સ માટે સપોર્ટ તાજેતરમાં જ PUBG મોબાઇલ, ફોર્ટનાઇટ અને કોલ ઓફ ડ્યુટી મોબાઇલ જેવી ગેમમાં મળી આવ્યો છે.
તાજેતરમાં જ પ્રકાશિત થયેલ એફએયુ-જી રમતના ટીઝરમાં લદાખ ખીણમાં ગાલવાન ખીણને દર્શાવવામાં આવી છે, જ્યાં ચીન અને ભારતના સૈનિકો વચ્ચે ઝપાઝપી થઈ હતી. ટીઝરમાં ગમેનું ગીત દર્શાવવામાં આવ્યું હતું, જેમાં ભારતીય સૈનિકો દુશ્મનો સામે લડતા જોવા મળી શકે છે. એવું માનવામાં આવે છે કે તેમાં કેટલાક કાર્યો આપવામાં આવશે અને તમારે ત્યાં જઇને આતંકવાદીઓ સામે લડવું પડશે. આ તે જગ્યાઓ છે જ્યાં ભારતીય સેનાએ ઘણા ઓપરેશન પાર પાડ્યા છે. યુદ્ધની વસ્તુઓ રમતમાં જોઈ શકાય છે. એસોલ્ટ રાઇફલ, મીલે હથિયાર વગેરે માટે સપોર્ટ મળશે.
FAU-G ને કેવી રીતે ડાઉનલોડ કરવી?
એફએયુ-જીના પ્રારંભ પછી, તમે તેને ગૂગલ પ્લે સ્ટોર અને એપલ સ્ટોરથી ડાઉનલોડ કરી શકો છો. આ માટે તમારે પહેલા ગૂગલ પ્લે સ્ટોર અથવા એપલ એપ સ્ટોર ખોલવો પડશે. પછી તમારે FAU-G ને શોધવું પડશે. FAU-G પર ક્લિક કરો ત્યરબાદ તમને એક પેઇઝ પર ઇન્સ્ટોલ કરવાનો મેસેજ મળશે જે તેના પર ક્લિક કરીને ડાઉનલોડ કરી શકાય છે. ઇન્સ્ટોલ બટન યૂઝર્સને ત્યારે દેખાશે જ્યારે ગેમ લાઇવ હશે. આ પહેલા યૂઝર્સ FAU-G માટે પૂર્વ-નોંધણી કરી શકે છે.
