ભારતમાં PUBG મોબાઇલ ઇન્ડિયા ગેમનાં લોન્ચિંગની આતુરતાથી રાહ જોવાઇ રહી છે. ઘણા મીડિયા અહેવાલોમાં દાવો કરવામાં આવ્યો હતો કે, રોયલ ગેમ આજે (19 જાન્યુઆરી) લોન્ચ કરવામાં આવશે. ભારતભરનાં ઘણા PUBG ચાહકો મંગળવારે રોયલ ગેમનાં લોન્ચની રાહ જોઇ રહ્યા છે. શું PUBG મોબાઇલ ઇન્ડિયા મંગળવારે ભારતમાં રિલીઝ થશે? શું PUBG નાં પ્રશંસક ગેમનાં રિલીઝ થયા પહેલા દિવસ સુધી એક્સેસ કરી શકે છે? સોશિયલ મીડિયા પર આવા અનેક સવાલો પૂછવામાં આવી રહ્યા છે. જણાવી દઇએ કે, 15 જાન્યુઆરીએ PUBG મોબાઇલનાં ટ્રેલર લોન્ચ થયા પછી, તેના વિશે ઘણી અટકળો થઈ રહી છે.

કેટલાક મીડિયા અહેવાલોએ દાવો કર્યો હતો કે, PUBG મોબાઇલ ઈન્ડિયા 9 જાન્યુઆરીએ લોન્ચ થશે. 15 જાન્યુઆરીએ આ ગેમનું ટ્રેલર લોંચ થયા પછી, આ દાવાને ખૂબ ધ્યાન આપવામાં આવ્યું છે. અગાઉ કેટલાક અહેવાલોમાં એવો દાવો પણ કરવામાં આવ્યો હતો કે જાન્યુઆરીનાં બીજા અને ત્રીજા સપ્તાહમાં PUBG મોબાઇલ ઈન્ડિયા ફરીથી લોંચ કરવામાં આવશે. વળી, અન્ય કેટલાક અહેવાલોએ દાવો કર્યો છે કે PUBG મોબાઇલ ઇન્ડિયા માર્ચ પહેલા ભારતમાં શરૂ કરવામાં આવશે નહીં. આ ઉપરાંત, યુટ્યુબ પર સરફેસ કરતા એક વીડિઓએ દાવો કર્યો છે કે, PUBG મોબાઇલ ઈન્ડિયા 15 જાન્યુઆરીથી 19 જાન્યુઆરી દરમિયાન ગમે ત્યારે લોન્ચ થઇ શકે છે!

કેન્દ્ર સરકારે PUBG ફરી શરૂ કરવા અંગે અનેક આર.ટી.આઈ.નો જવાબ આપ્યો છે અને કહ્યું છે કે, સરકાર આ મામલે ઉતાવળમાં કોઈ નિર્ણય લઈ શકે નહીં. સરકારે કહ્યું છે કે, તે સરકારી એજન્સીઓ એપ્લિકેશનનાં સંપૂર્ણ વિશ્લેષણ પછી જ ભારતમાં PUBG મોબાઇલ શરૂ કરવાની મંજૂરી આપશે. સરકારનાં આ જવાબથી સ્પષ્ટ થઈ ગયું છે કે પબજી મોબાઈલ ઈન્ડિયા રમત અંગે સરકાર કોઈ ઉતાવળ કરવા માંગતી નથી. આથી તે સ્પષ્ટ થાય છે કે આ સમયે, મીડિયા અહેવાલો અને સોશિયલ મીડિયા પર PUBG નાં ભારત પાછા ફરવા વિશે ફક્ત અટકળો થઈ રહી છે.

મંતવ્ય ન્યૂઝ દ્વારા જાહેર અપીલ –

દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…