ફેબ્રુઆરી મહિનામાં કંપની કેશબેક પ્લાન સાથે સ્કૂટર ઉપલબ્ધ કરાવી રહી છે. દેશનું બેસ્ટ સેલિંગ સ્કૂટર હોન્ડા એક્ટિવાનું 6 જી વર્ઝન કેશબેક સાથે મળી રહ્યું છે. એટલે કે આ મહિનામાં આ સ્કૂટર ખરીદવા પર તમે સીધા 5000 રૂપિયા સુધીનું કેશબેક મેળવી શકો છો. એક્ટિવા એ ભારતમાં ટોચનું વેચાણ કરતું સ્કૂટર છે જે વર્ષોથી લોકોની પહેલી પસંદ રહ્યું છે. આ સિવાય કંપની શાઇન પર સારી ઓફર લઈને આવી છે. જેમાં ગ્રાહકો પણ 2,499 રૂપિયા સુધીની ડાઉન પેમેન્ટની સુવિધા આપી રહ્યા છે.
5000 રૂપિયાનું કેશબેક ફક્ત ડેબિટ કાર્ડ, ક્રેડિટ કાર્ડ અથવા મહિનાના હપ્તા દરમિયાન સ્કૂટરની ખરીદી પર ઉપલબ્ધ છે. આ સિવાય કંપની આ યોજના હેઠળ સ્કૂટર્સ ખરીદવા પર 100 ટકા ફાઇનાન્સ સુવિધા આપી રહી છે. આ સિવાય કંપની સૌથી વધારે સેલિંગ થઇ રહેલી બાઇક હોન્ડા શાઇન 125 સીસી પર પણ આ જ ઓફર આપી રહી છે. આ ઓફર કેટલા સમય સુધી ચાલશે તે વિશે કંપનીએ કોઈ ખુલાસો કર્યો નથી.
45 વર્ષ જૂનું Appleનું આ કોમ્પ્યુટર વેચાઇ રહ્યું છે 11 કરોડમાં, એવું શું ખાસ છે? જાણો અહીં..
હોન્ડા એક્ટિવા 6 જી સ્ટાન્ડર્ડ અને ડીએલએક્સ એમ બે વેરિયેન્ટમાં ઉપલબ્ધ છે, જેની કિંમત રૂપિયા 66,816 અને 68,316 રુપિયા (એક્સ-શોરૂમ) છે. તે બે પ્રકાર 8 કલર વિકલ્પોમાં આવે છે.
હોન્ડા એક્ટિવા 6 જી 20 સ્પેશિયલ એડિશનમાં ફુલ-એલઇડી હેડલેમ્પ્સ, ફ્યુઅલ ફિલર કેપ અને એનાલોગ કલસ્ટર આપવામાં આવ્યા છે. હોન્ડા એક્ટિવા સ્પેશિયલ એડિશન 7.68bhp પાવર અને 8.79Nm નો પીક ટોર્ક જનરેટ કરે છે.
તેમાં ડ્રમ બ્રેક્સ સાથે ટ્યુબલેસ ટાયર છે. સ્કૂટરને સેલ્ફ-સ્ટાર્ટ સાથે એલઇડી હેડલેમ્પ્સ, ડબલ લિડ એક્સટર્નલ ફ્યૂલ ફિલ અને ટેલિસ્કોપિક સસ્પેન્શન આપવામાં આવ્યા છે.