પાંચ વર્ષ પહેલા ગોવામાં ઈન્ટરનેશનલ ફિલ્મ ફેસ્ટિવલ ઓફ ઈન્ડિયામાં પ્રદર્શિત થયેલી ફિલ્મ ’72 હુરેં’નું સ્પેશિયલ સ્ક્રીનિંગ દિલ્હીની જવાહરલાલ નહેરુ યુનિવર્સિટી (JNU)માં યોજાવા જઈ રહ્યું છે. 7 જુલાઈએ સિનેમાઘરોમાં રિલીઝ થઈ રહેલી આ ફિલ્મને લઈને સોશિયલ મીડિયા પર ચર્ચા અને વળતી દલીલો ચાલુ છે અને તે દરમિયાન જ જેએનયુ કેમ્પસમાં ફિલ્મના સ્ક્રીનિંગની જાહેરાતથી ફિલ્મ ફરી ચર્ચામાં આવી ગઈ છે.
કેટલાક રાજકીય પક્ષોએ ફિલ્મ ’72 હુરેં’માં બતાવવામાં આવેલા આતંકવાદીઓની માનસિક ચાલાકીના દ્રશ્યો સામે ઘેરો વાંધો વ્યક્ત કર્યો છે. આ રાજકીય પક્ષોનું કહેવું છે કે ફિલ્મમાં રજૂ કરવામાં આવેલી આવી નકારાત્મક બાબતો લોકોમાં ચોક્કસ ધર્મ વિશે ખોટો સંદેશ જશે અને સામાજિક માળખા પર પ્રતિકૂળ અસર કરશે. મૌલાના સાજિદ રાશિદે ફિલ્મ ’72 હુરેં’ પર વાંધો ઉઠાવતા તેમના પર ધાર્મિક ઉપદેશોને ખોટી રીતે રજૂ કરવાનો આરોપ લગાવ્યો છે.
જેએનયુમાં 4 જુલાઈના રોજ ફિલ્મ ’72 હુરેં’ના સ્પેશિયલ સ્ક્રીનિંગ અંગે મેકર્સનું કહેવું છે કે. સ્પેશિયલ સ્ક્રીનિંગ એ વિદ્યાર્થીઓ માટે ફિલ્મમાં દર્શાવવામાં આવેલી આતંકવાદી ઘટનાઓની વાસ્તવિકતાઓ પર અભિવ્યક્તિ કરવાની સુવર્ણ તક છે. તેમણે કહ્યું કે અગાઉના વિવાદોથી વિપરીત, ફિલ્મના આગામી સ્ક્રીનિંગને આતંકવાદ જેવા ગંભીર મુદ્દા પર ખુલ્લા સંવાદનો એક શ્રેષ્ઠ માર્ગ માનવામાં આવે છે.
ફિલ્મ ’72 હુરેં’ 7મી જુલાઈના રોજ દેશભરના સિનેમાઘરોમાં રિલીઝ થઈ રહી છે. આ ફિલ્મનું નિર્દેશન નેશનલ ફિલ્મ એવોર્ડ વિજેતા નિર્દેશક સંજય પુરણ સિંહ ચૌહાણે કર્યું છે.
આ પણ વાંચો:Bollywood/‘હું હજુ પણ મારી જાતને ઈન્ડસ્ટ્રીનો હિસ્સો નથી માનતો’, શું થયું કે અરશદ વારસીએ કહી આટલી મોટી વાત ?
આ પણ વાંચો:Rasha Thadani Debut/ રવિના ટંડનની દીકરી રાશા થડાનીને મળી તેની પહેલી ફિલ્મ, આ પ્રખ્યાત અભિનેતાના ભત્રીજા સાથે જોવા મળશે
આ પણ વાંચો:ઉફ્ફ તેરી અદા…/દિશા પટણીએ બોલ્ડ ડ્રેસમાં મચાવી મચાવી ધૂમ, તેની હોટનેસ જોઈને ફેન્સ ચોંકી ગયા
