વર્ષ 2020 બહુ ઓછા લોકો હશે જેના માટે સારુ રહ્યુ હોય. જો ક્રિકેટ જગતની વાત કરીએ તો અહી 2020 માં સૌથી વધુ કમાણી કરનાર ખેલાડી કોણ હશે શું આપ જાણો છો? તમે અહી સમજશો કે ટીમ ઈન્ડિયાનો કેપ્ટન વિરાટ કોહલી આ લિસ્ટમાં પ્રથમ ક્રમાંકે હશે પરંતુ નહી આ લિસ્ટમાં પ્રથમ ક્રમાંકે વિરાટ નહી પણ ભારતીય ટીમનો યુવા ફાસ્ટ બોલર છે.
આપને જણાવી દઇએ કે, ફાસ્ટ બોલર જસપ્રિત બુમરાહ આ વર્ષે મેચ રમીને સૌથી વધુ કમાણી કરનારો ભારતીય ક્રિકેટર બન્યો છે. તેણે આ વખતે ભારતીય કેપ્ટન વિરાટ કોહલીને પણ પાછળ છોડી દીધો છે. એક અહેવાલ મુજબ, બુમરાહે વર્ષ 2020 માં મેચ રમીને 1.38 કરોડ રૂપિયાની (સેન્ટ્રલ કોન્ટ્રેક્ટ સિવાય) કમાણી કરી છે. વળી કોહલી બીજો સૌથી વધુ કમાણી કરનાર ભારતીય ક્રિકેટર બન્યો છે. જ્યારે રોહિત શર્મા ટોચનાં પાંચ ખેલાડીઓમાં પણ સામેલ નથી. ભારતીય ક્રિકેટ બોર્ડ તરફથી દરેક ટેસ્ટ મેચ માટે ભારતીય ખેલાડીને 15 લાખ રૂપિયા આપવામાં આવે છે. એક વનડે મેચ માટે તેઓને 6 લાખ રૂપિયા મળે છે, જ્યારે ટી-20 આંતરરાષ્ટ્રીય માટે બીસીસીઆઈ દરેક ખેલાડીને 3 લાખ રૂપિયા આપે છે. આમ, 2020 માં જસપ્રીત બુમરાહે બીસીસીઆઈ પાસેથી 1.38 કરોડ રૂપિયાની કમાણી કરી છે (વાર્ષિક કરાર ફી સિવાય). આ યાદીમાં બીજા નંબર પર વિરાટ કોહલી છે.
આ વર્ષે વિરાટ કોહલી 3 ટેસ્ટ, 9 વનડે અને 10 ટી-20 આંતરરાષ્ટ્રીય મેચ રમ્યો છે. આ રીતે, તેઓને બીસીસીઆઈ તરફથી 1.29 કરોડ રૂપિયા મળશે. જો તે મેલબોર્નમાં ચાલી રહેલ બોક્સીંગ ડે ટેસ્ટ મેચ રમ્યો હોત, તો તે ટોચની સ્થિતિમાં હોત, પરંતુ તે બન્યું નહીં. તે પછી રવિન્દ્ર જાડેજા છે, જેણે આ વર્ષે 96 લાખ રૂપિયાની કમાણી કરી છે. તેણે 2 ટેસ્ટ (ઓસ્ટ્રેલિયા સામેની બીજી ટેસ્ટ સહિત), 9 વનડે અને 4 ટી-20 આંતરરાષ્ટ્રીય મેચ રમી હતી. બુમરાહ એ ત્રણ ભારતીય ખેલાડીઓમાંથી એક છે જે A + કરાર હેઠળ આવે છે. તે હાલમાં ઓસ્ટ્રેલિયામાં આ વર્ષની ચોથી ટેસ્ટ મેચ રમી રહ્યો છે. બુમરાહને દરેક ટેસ્ટ રમવા માટે 15 લાખ રૂપિયા મળે છે. આ સિવાય તેમને દરેક વનડે માટે છ લાખ અને દરેક ટી-20 માટે ત્રણ લાખ મળે છે. આપને જણાવી દઈએ કે, બુમરાહ આ વર્ષે 9 વન-ડે અને 8 ટી-20 મેચ પણ રમ્યો છે.
ઉલ્લેખનીય છે કે, ભારત અને ઓસ્ટ્રેલિયા વચ્ચે ચાર મેચની ટેસ્ટ સિરીઝની બીજી મેચ મેલબોર્ન ક્રિકેટ ગ્રાઉન્ડ પર રમાઇ રહી છે. ભારત હાલમાં તેની પ્રથમ ઇનિંગ્સ રમી રહ્યું છે. આ મેચમાં ભારતનાં નવા કેપ્ટન અજિંક્ય રહાણે ટોસ હારી ગયા હતા, પરંતુ બોલરોનાં શાનદાર પ્રદર્શન પર ઓસ્ટ્રેલિયા તેની પહેલી ઇનિંગમાં 195 રન બનાવીને ઓલઆઉટ થઈ ગયું હતું. જસપ્રિત બુમરાહે ચાર વિકેટ ઝડપી હતી જ્યારે ઓફ સ્પિનર આર અશ્વિને ટીમને ત્રણ વિકેટ ઝડપી હતી. ઓસ્ટ્રેલિયા હાલમાં શ્રેણીમાં 1-0થી આગળ છે.
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
