World News :ફ્લાઇટ FZ1073ના કોકપીટમાં પાઇલટ્સ વચ્ચે થયેલી હિંસક ઘટનાની તપાસને પગલે ફ્લાયદુબઈ (flydubai)એ ઇઝરાયલ (Israel)જતી અને આવતી તમામ ફ્લાઇટ્સ અસ્થાયી રૂપે સ્થગિત કરી.30 સપ્ટેમ્બરના રોજ ફ્લાઇટ FZ1073 ના કોકપીટમાં બે પાઇલટ્સ વચ્ચે સર્જાયેલા હિંસક ઝઘડા અને ડરામણી ઘટના બાદ, દુબઈ સ્થિત અગ્રણી એરલાઇન ફ્લાયદુબઈએ એક મોટો નિર્ણય લેતા ઇઝરાયલ તરફ જતી અને ત્યાંથી આવતી તમામ ફ્લાઇટ્સ અસ્થાયી રૂપે સ્થગિત કરી દીધી છે.
flydubai : સત્ય બહાર નહીં આવે ત્યાં સુધી અમલમાં રહેશે
એરલાઇનના જણાવ્યા અનુસાર, જ્યાં સુધી તપાસ પૂર્ણ નહીં થાય અને ઘટના પાછળના તમામ સત્યો બહાર નહીં આવે ત્યાં સુધી આ કામચલાઉ સ્થગિતતા અમલમાં રહેશે. ફ્લાયદુબઈએ સ્પષ્ટ કર્યું છે કે મુસાફરો, ક્રૂ મેમ્બર્સ અને વિમાનોની સલામતી હંમેશાં તેની સર્વોચ્ચ પ્રાથમિકતા રહી છે. આ હેતુ માટે એરલાઇન સરકાર, નિયમનકારી એજન્સીઓ અને એરપોર્ટ સત્તાવાળાઓ સાથે સતત સંપર્કમાં છે અને તપાસમાં સંપૂર્ણ સહકાર આપી રહી છે. તપાસમાંથી નવી વિગતો સામે આવતા જ ફ્લાઇટ્સ શરૂ કરવા અંગે આગળની સમીક્ષા કરવામાં આવશે.
ટિકિટ બુક કરાવી ચૂકેલા હજારો મુસાફરો પર મોટી અસર
આ અચાનક લેવાયેલા નિર્ણયને કારણે દુબઈ અને ઇઝરાયલ વચ્ચે મુસાફરી કરવા માટે ટિકિટ બુક કરાવી ચૂકેલા હજારો મુસાફરો (Passengers)ની યોજનાઓ પર મોટી અસર પડી છે. એરલાઇને પોતાની મુસાફરી રદ થવાથી મુશ્કેલીમાં મુકાયેલા તમામ ગ્રાહકોની માફી માંગી છે. સાથે જ, એરલાઇન દ્વારા અસરગ્રસ્ત મુસાફરોને પૂરતી મદદ પૂરી પાડવા, તેમને ટેકો આપવા અને શક્ય હોય ત્યાં વૈકલ્પિક મુસાફરીની વ્યવસ્થા કરવા માટે પૂરતા પ્રયાસો કરવામાં આવી રહ્યા છે. જોકે, એરલાઇને હજુ સુધી એ સ્પષ્ટ કર્યું નથી કે આ સસ્પેન્શન કેટલા દિવસો સુધી ચાલુ રહેશે.
કોકપીટમાં વિવાદ શરૂ
ઉલ્લેખનીય છે કે 30 સપ્ટેમ્બરના રોજ ફ્લાઇટ 34,000 ફૂટની ઊંચાઈએ હવામાં હતી ત્યારે કોકપીટ (Cockpit Fight)ની અંદર અચાનક વિવાદ ફાટી નીકળ્યો હતો. ફ્લાઇટ-ટ્રેકિંગ ડેટા મુજબ વિમાને ઝડપથી નીચે ઉતરવાનું શરૂ કર્યું હતું, જ્યાં કો-પાઇલટ દ્વારા મુખ્ય પાઇલટ સ્મિત મચ્છર(Smit Machhar) પર છરીથી હુમલો કરવામાં આવ્યો હતો. આ ગંભીર આપત્તિજનક સ્થિતિને ધ્યાનમાં રાખીને એરલાઇને મુસાફરોની સુરક્ષા માટે આ કડક અને આવશ્યક પગલું ભર્યું છે.
આ પણ વાંચો: ફ્લાઇટ હાઇજેક નિષ્ફળ બનાવનાર ભારતીય પાઇલટના PM મોદીએ કર્યા વખાણ
આ પણ વાંચો: Flydubai ફ્લાઇટમાં ખળભળાટ, કોકપીટમાં હુમલા બાદ 180 મુસાફરોના જીવ પર સંકટ
આ પણ વાંચો: ફેસ્ટિવ સીઝનમાં Airfare પર સરકારનો મોટો નિર્ણય, ફ્લાઇટ ભાડા પર નહીં લાગે કેપ
