Kolkata Doctor Rape-Murder Case: કોલકાતામાં એક ડૉક્ટર પર બળાત્કાર અને હત્યાના વિરોધમાં ફેડરેશન ઑફ રેસિડેન્ટ ડૉક્ટર્સ એસોસિએશન (ફોર્ડા) ઈન્ડિયા દ્વારા બોલાવવામાં આવેલી હડતાળ પાછી ખેંચી લેવામાં આવી છે. ફોર્ડના પ્રતિનિધિમંડળે કેન્દ્રીય સ્વાસ્થ્ય મંત્રી જેપી નડ્ડા સાથે મુલાકાત કર્યા બાદ મોડી સાંજે આ જાહેરાત કરી હતી.

દર્દીઓને ભારે હાલાકીનો સામનો કરવો પડ્યો હતો
પ્રતિનિધિમંડળના સભ્યોએ જણાવ્યું હતું કે દર્દીઓની સમસ્યાઓને ધ્યાનમાં રાખીને, ડોકટરો બુધવારે સવારથી કામ પર પાછા ફરશે. આ પહેલા મંગળવારે દિલ્હી, ઉત્તર પ્રદેશ, બિહાર, મધ્યપ્રદેશ, ઝારખંડ, મહારાષ્ટ્ર સહિત અનેક રાજ્યોમાં ડોક્ટરોની હડતાળના કારણે દર્દીઓને ભારે હાલાકીનો સામનો કરવો પડ્યો હતો.

AIIMS, સફદરજંગમાં હડતાળ રહેશે
ફોર્ડાના પ્રમુખ ડો. અવિરલ માથુરે જણાવ્યું કે કેન્દ્રીય સ્વાસ્થ્ય મંત્રી જેપી નડ્ડાએ તમામ માંગણીઓ પૂરી કરવાની ખાતરી આપી હતી. કેન્દ્ર સરકાર સેન્ટ્રલ હેલ્થકેર પ્રોટેક્શન એક્ટ બનાવવા માટે 15 દિવસમાં એક કમિટી બનાવશે. જેમાં ફોર્ડના અધિકારીઓ સામેલ થશે.

દિલ્હીની સરકારી હોસ્પિટલોમાં સવારે ડોક્ટરો ફરજ પર પરત ફરી શકે છે. પરંતુ AIIMS અને સફદરજંગ હોસ્પિટલના RDAએ હડતાળ પાછી ખેંચી નથી. AIIMS, સફદરજંગમાં હડતાળ રહેશે. બીજી તરફ, AIIMS RDAના પ્રમુખ ડૉ. ઈન્દ્ર શેખરનું કહેવું છે કે અગાઉ પણ સેન્ટ્રલ હેલ્થકેર પ્રોટેક્શન એક્ટ માટે ખાતરી આપવામાં આવી હતી પરંતુ વાત ખાતરીથી આગળ વધી શકી નથી. જ્યારે સરકાર ગેરંટી આપે અને સંસદમાં સેન્ટ્રલ હેલ્થકેર પ્રોટેક્શન બિલ પસાર કરે અને કાયદો બનાવવાની સમયમર્યાદા નક્કી કરે ત્યારે જ હડતાળ પાછી ખેંચવામાં આવશે.

ગુવાહાટી મેડિકલ કોલેજમાં કેન્ડલ માર્ચ કાઢવામાં આવી
ગુવાહાટી મેડિકલ કોલેજ અને હોસ્પિટલ, આસામના જુનિયર ડોકટરોએ આરજી કાર મેડિકલ કોલેજ અને હોસ્પિટલમાં બળાત્કાર-હત્યાની ઘટનાનો ભોગ બનેલી પીડિતા સાથે એકતા દર્શાવવા માટે કેન્ડલ માર્ચ કાઢી હતી.

આ પણ વાંચો: જમ્મુ-કાશ્મીરમાં વિધાનસભા ચૂંટણીની તારીખો ઓગસ્ટના અંતમાં થશે જાહેર

આ પણ વાંચો: દિલ્હી, રાજસ્થાન સહિત ઉત્તરભારતમાં આગામી દિવસોમાં ભારે વરસાદની આગાહી

આ પણ વાંચો:ED રાહુલ ગાંધીને મની લોન્ડરિંગ કેસમાં હાજર થવા સમન્સ પાઠવી શકે: સૂત્રો