પૂર્વ એરફોર્સ ચીફ આરકેએસ ભદૌરિયા ભાજપમાં જોડાયા છે. તેમણે કેન્દ્રીય મંત્રી અનુરાગ ઠાકુર અને ભાજપના રાષ્ટ્રીય મહાસચિવ વિનોદ તાવડેની હાજરીમાં ભાજપનું સભ્યપદ લીધું. એવા સમાચાર છે કે ભાજપ તેમને યુપીના ગાઝિયાબાદથી લોકસભા ચૂંટણી માટે ઉમેદવાર બનાવી શકે છે.
જણાવી દઈએ કે આરકેએસ ભદૌરિયાએ 30 સપ્ટેમ્બર 2019 થી 30 સપ્ટેમ્બર 2021 સુધી એરફોર્સ ચીફનું પદ સંભાળ્યું હતું. તેઓ દેશના 23મા વાયુસેના પ્રમુખ હતા. ભદૌરિયા મૂળ આગ્રા જિલ્લાના બાહ તાલુકાનો રહેવાસી છે. તેમની સાથે YSR કોંગ્રેસના નેતા વરા પ્રસાદ રાવ (નિવૃત્ત IAS) પણ ભાજપમાં જોડાયા.
#WATCH | Former Chief of Air Staff, Air Chief Marshal (Retd.) RKS Bhadauria joins BJP in the presence of party General Secretary Vinod Tawde and Union Minister Anurag Thakur. pic.twitter.com/n3s9k7INmf
— ANI (@ANI) March 24, 2024
ભાજપ આજે ઉમેદવારોની 5મી યાદી જાહેર કરી શકે છે
ભાજપ આજે લોકસભા ચૂંટણી માટે પોતાના ઉમેદવારોની પાંચમી યાદી જાહેર કરી શકે છે. સૂત્રોને ટાંકીને આ માહિતી મળી છે કે વરુણ ગાંધી, સંઘમિત્રા મૌર્ય અને વીકે સિંહની ટિકિટ કપાઈ શકે છે. સુલતાનપુરથી મેનકા ગાંધીને ફરી મેદાનમાં ઉતારવાની શક્યતા છે.
જ્યારે સંભાલપુરથી ધર્મેન્દ્ર પ્રધાન, પુરીથી સંબિત પાત્રા અને ભુવનેશ્વરથી અપરાજિતા સારંગી માટે ટિકિટ શક્ય છે. બે વર્તમાન સાંસદ વિશ્વેશ્વર ટુડુ અને પ્રતાપ સારંગીની ટિકિટ કપાઈ શકે છે.
શનિવારે BJP CECની બેઠક યોજાઈ હતી
ઉલ્લેખનીય છે કે લોકસભા ચૂંટણીની તારીખો જાહેર થઈ ગઈ છે. આવી સ્થિતિમાં શનિવારે ભાજપની કેન્દ્રીય ચૂંટણી સમિતિ (CEC)ની બેઠક 3 કલાક સુધી ચાલી હતી. પીએમ મોદી, કેન્દ્રીય ગૃહ પ્રધાન અમિત શાહ, સંરક્ષણ પ્રધાન રાજનાથ સિંહ અને ભાજપ અધ્યક્ષ જેપી નડ્ડા સહિત CEC સભ્યોએ આ બેઠકમાં હાજરી આપી હતી. આ દરમિયાન રાજ્યોમાંથી સંભવિત ઉમેદવારોની યાદી પર ચર્ચા કરવામાં આવી હતી. આ બેઠકમાં ઓડિશા, ઉત્તર પ્રદેશ, પશ્ચિમ બંગાળ અને રાજસ્થાનના ઉમેદવારોના નામ પર ચર્ચા કરવામાં આવી હતી. જણાવી દઈએ કે 19 એપ્રિલથી 1 જૂન વચ્ચે લોકસભાની 543 સીટો માટે સાત તબક્કામાં ચૂંટણી યોજાવાની છે. 4 જૂને મતગણતરી થશે.
આ પણ વાંચોઃIPLની 17મી સીઝન છે ખાસ, સ્ટોપ લોક-એક ઓવરમાં બે બાઉન્સર સહિત નિયમો બદલાયા
આ પણ વાંચોઃ IPL 2024ની શરૂઆત પહેલા આ ટીમનું ટેન્શન થયું ડબલ, ઓસ્ટ્રેલિયાના ખેલાડીએ રમવાનો કર્યો ઇનકાર
આ પણ વાંચોઃ ચિદંબરમ સ્ટેડિયમની પીચ કઈ ટીમને પ્રથમ મેચ જીતાડશે….
