શિવસેનાના વિધાનસભ્યોના બળવાને કારણે લઘુમતી થઈ ગયેલા મહારાષ્ટ્રના મુખ્યમંત્રી ઉદ્ધવ ઠાકરેએ બુધવારે રાત્રે રાજીનામું આપી દીધું હતું. રાજ્યપાલ ભગત સિંહ કોશ્યારીએ મંગળવારે મોડી રાત્રે ઠાકરેને ફ્લોર ટેસ્ટ માટે સૂચના આપી હતી. શિવસેનાએ તેને સુપ્રીમ કોર્ટમાં પડકાર્યો હતો. પરંતુ કોર્ટમાંથી કોઈ રાહત મળી ન હતી તેથી ઉદ્ધવે ફેસબુક લાઈવ પર આવીને રાજીનામું આપવાની જાહેરાત કરી હતી. ઉદ્ધવે વિધાન પરિષદનું સભ્યપદ પણ છોડી દીધું.હવે રાજ્યમાં ભાજપ સરકાર બનાવવા તરફ આગળ વધી શકે છે. અને આજે દેવેન્દ્ર ફડણવીસ સરકાર બનાવવા માટે જાહેરાત કરી શકે છે.
ઉદ્ધવ મોડી રાત્રે રાજભવન ગયા અને કોશ્યારીને પોતાનું રાજીનામું સુપરત કર્યું. રાજ્યમાં દસ દિવસના રાજકીય સંકટ પર હાલના વિરામ સાથે ભાજપ અને શિવસેનાના બળવાખોર ધારાસભ્યોની ગઠબંધન સરકાર બનાવવાનો માર્ગ મોકળો થઈ ગયો છે. વાસ્તવમાં, બુધવાર સવારથી જ એવા સંકેતો મળી રહ્યા હતા કે આંકડાઓમાં વિલંબને કારણે ઉદ્ધવ ગૃહનો સામનો નહીં કરે. સાંજે સુપ્રીમ કોર્ટમાં સુનાવણીની વચ્ચે અચાનક બોલાવાયેલી કેબિનેટ બેઠકમાં ઉદ્ધવનું સંબોધન વિદાય ભાષણ જેવું હતું.
ફડણવીસ આજે દાવો કરી શકે છે
પૂર્વ સીએમ દેવેન્દ્ર ફડણવીસ ગુરુવારે રાજ્યપાલ સમક્ષ ભાજપ સરકાર બનાવવાનો દાવો રજૂ કરી શકે છે. 288 સભ્યોના ગૃહમાં ભાજપના 106 ધારાસભ્યો અને શિંદે જૂથના 38 ધારાસભ્યો છે. બહુમતીનો આંકડો 144 છે. ભાજપને પ્રહાર જનશક્તિ પાર્ટી સહિત 7 અપક્ષ અને શિંદે જૂથને 12 અપક્ષોનું સમર્થન પણ છે. રાજ્યપાલના નિર્દેશ પર સ્ટે આપવા આવેલા શિવસેનાને રાહત આપવાનો ઇનકાર કરતા સુપ્રીમ કોર્ટે કહ્યું કે, લોકશાહીના મુદ્દાઓને ઉકેલવાનો એકમાત્ર રસ્તો ફ્લોર ટેસ્ટ છે.
Operation lotus /અઢી વર્ષ બાદ બીજેપીનું ઓપરેશન લોટસ સફળ, આખરે શાહની રણનીતિ ફરી કામ આવી…
