ભારતના ભૂતપૂર્વ ઓલરાઉન્ડર સુરેશ રૈનાના પિતા ત્રિલોકચંદ રૈનાનું રવિવારના રોજ કેન્સરથી અવસાન થયું હતું. બોમ્બ બનાવવામાં કુશળ લશ્કરી અધિકારી તિર્લોકચંદનું ગાઝિયાબાદમાં તેમના નિવાસસ્થાને અવસાન થયું હતું.
ત્રિલોકચંદ રૈનાનું પૈતૃક ઘર જમ્મુ-કાશ્મીરના રૈનાવરી ખાતે છે. 1990ની આસપાસ જમ્મુ અને કાશ્મીરમાં કાશ્મીરી પંડિતોની હત્યાનો દોર શરૂ થયા બાદ તેઓએ તેમનું ગામ છોડવું પડ્યું હતું. જે બાદ આખો પરિવાર મુરાદનગર શહેરમાં સ્થાયી થયો હતો. તે સમયે સુરેશ રૈનાના પિતાનો પગાર 10 હજાર રૂપિયા હતો. તે સુરેશ રૈનાના ક્રિકેટ કોચિંગ પર વધુ ખર્ચ કરી શકે તેમ નથી.
આ પણ વાંચો:School Reopen / આવતીકાલથી યુપી, દિલ્હી સહિત આ રાજ્યોમાં ખુલશે શાળાઓ, જાણો..
ત્યારબાદ તિર્લોકચંદ રૈનાએ 1998માં સુરેશ રૈનાને લખનૌની ગુરુ ગોવિંદ સિંહ સ્પોર્ટ્સ કોલેજમાં દાખલ કરાવ્યા. સુરેશ રૈનાએ કહ્યું હતું કે તે હંમેશા ધ્યાન રાખતો હતો કે તેના પિતા જીવિત હોય ત્યારે કાશ્મીરની દુર્ઘટના વિશે યાદ કરે તેવી કોઈ વાતનો ઉલ્લેખ ન કરે. સુરેશ રૈનાએ કહ્યું હતું કે તેના પિતા ક્રિકેટમાં તેની કારકિર્દીના મોટા સમર્થક હતા.
