મધ્ય પ્રદેશનાં હોશંગાબાદ જિલ્લામાં કાર અકસ્માતમાં રાષ્ટ્રીય કક્ષાનાં ચાર હોકી ખેલાડીઓનાં મોત થયાં છે. વળી, ત્રણ લોકો આ અકસ્માતમાં ઘાયલ થયા છે. ઇજાગ્રસ્તોને સારવાર માટે હોસ્પિટલમાં દાખલ કરવામાં આવ્યા છે. ડીએમએ આ કેસની તપાસનાં આદેશ આપી દીધા છે.
Madhya Pradesh: Four national level hockey players dead, three injured, in a car accident in Hoshangabad pic.twitter.com/otLiRNQzoQ
— ANI (@ANI) October 14, 2019
મળતી માહિતી મુજબ, ચારેય ખેલાડીઓ ધ્યાનચંદ હોકી ટૂર્નામેન્ટ રમવા માટે મધ્યપ્રદેશ પહોચ્યા હતા. ખેલાડીઓ ઇટારસી જતા હતા ત્યારે તેમની કાર બેકાબૂ થઇ ગઇ હતી અને એક ઝાડ સાથે તેની ટક્કર થઇ ગઇ અને નહેરમાં પડી ગઇ હતી. આ અકસ્માતમાં ચાર ખેલાડીઓનાં મોત નીપજ્યાં છે. વળી, ત્રણ લોકોને ગંભીર હાલતમાં હોસ્પિટલમાં દાખલ કરવામાં આવ્યા છે.
પૂર્વ મુખ્યમંત્રી શિવરાજસિંહ ચૌહાણે પણ આ અકસ્માત અંગે દુ:ખ વ્યક્ત કર્યું છે. તેમણે ટ્વિટ કર્યું હતું કે, “હોશંગાબાદનાં રૈસલપુરમાં ધ્યાનચંદ્ર ટ્રોફીમાં રમવા જઈ રહેલા હોકી ખેલાડીઓ શાહનવાઝ ખાન, આદર્શ હર્દુઆ, આશિષ લાલ અને અનિકેતની માર્ગ અકસ્માતમાં મોત નીપજતાનાં દુખદ સમાચાર મળ્યાં છે. ભગવાનને પ્રાર્થના કે સ્વર્ગસ્થ આત્માઓને શાંતિ આપે, પરિવારને આ દુ:ખ સહન કરવાની શક્તિ આપે અને ઘાયલોને જલ્દી સ્વસ્થ કરે. ‘
रैसलपुर, होशंगाबाद में ध्यानचंद्र ट्राफी में खेलने जा रहे हॉकी खिलाड़ी शाहनवाज खान,आदर्श हरदुआ,आशीष लाल व अनिकेत की सड़क दुर्घटना में मौत का दुःखद समाचार मिला। ईश्वर से प्रार्थना है कि वे दिवंगत आत्माओं को शांति, परिजनों को यह दुःख सहने की शक्ति दें व घायलों को शीघ्र स्वस्थ करें।
— Shivraj Singh Chouhan (@ChouhanShivraj) October 14, 2019
પોલીસે માહિતી આપી હતી કે ઇટારસી તરફ જતાં ખેલાડીઓની કાર બેકાબુ થઇ એક ઝાડ સાથે અથડાઇ ગઇ હતી, જેમાં ચાર લોકોનાં મોત નીપજ્યાં હતાં. કારમાં કુલ 7 લોકો હતા. ત્રણ લોકોને ગંભીર હાલતમાં હોસ્પિટલમાં દાખલ કરવામાં આવ્યા છે. અત્યાર સુધીની પ્રાપ્ત માહિતી અનુસાર, ઘાયલ થયેલા એક ખેલાડીની હાલત ગંભીર છે.
નીચે આપેલી લીંક પર ક્લિક કરીને જોડાવો મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
