જરૂર પડશે તો વધુ રાફેલ આપીશું : ફ્રાન્સના રક્ષા મંત્રી

ભારતની મુલાકાતે આવેલા ફ્રાન્સના સંરક્ષણ પ્રધાન ફ્લોરેન્સ પાર્લીએ શુક્રવારે પીએમ નરેન્દ્ર મોદી સાથે મુલાકાત કરી હતી. રક્ષા મંત્રી પાર્લીએ મીડિયાને સંબોધતા કહ્યું કે ભારત ફ્રાંસનું ખાસ ભાગીદાર છે. જો ભારતને વધુ રાફેલ જેટ ફાઈટરની જરૂર પડશે તો ફ્રાન્સ આપવા તૈયાર છે.

અમે સંતુલન કરવા માંગીએ છીએ

ફ્રાન્સના રક્ષા મંત્રી પાર્લીએ કહ્યું કે ભારત અમારો ખાસ ભાગીદાર છે જ્યારે ચીન અમારો વેપારી ભાગીદાર છે, પરંતુ ચીનનું વલણ ઘણું આક્રમક છે. અમે ઈન્ડો-પેસિફિક ક્ષેત્ર વચ્ચે સંતુલન જાળવવા માંગીએ છીએ. રક્ષા મંત્રીએ એમ પણ કહ્યું કે મેક ઇન ઇન્ડિયામાં ફ્રાન્સ પણ સંપૂર્ણ સહયોગ કરશે.

પાર્લીએ કહ્યું, “મને ખુશી છે કે ભારતીય વાયુસેના રાફેલ વિમાનોથી સંતુષ્ટ છે અને અમને ગર્વ છે કે કોવિડ-19 મહામારી હોવા છતાં, અમે કરાર હેઠળ સમયસર 36 વિમાનોની ડિલિવરી કરી છે… આ એક સિદ્ધિ છે.” સમાન પ્રકારના એરક્રાફ્ટનો ઉપયોગ કરવો એ વાસ્તવિક સંપત્તિ અને શક્તિ છે. મને ખાતરી છે કે નવી શક્યતાઓ માટે અવકાશ છે. જો ભારતની વધારાની જરૂરિયાત વ્યક્ત કરવામાં આવે તો અમે આપવા તૈયાર છીએ.

ફ્રાન્સ વધુ 36 રાફેલ જેટ ફાઈટર વેચવા માંગે છે

ફ્રાન્સની કંપની દસોલ્ટ એવિએશન દ્વારા નિર્મિત રાફેલ એરક્રાફ્ટનું પ્રથમ કન્સાઈનમેન્ટ ગયા વર્ષે 29 જુલાઈએ ભારતને સપ્લાય કરવામાં આવ્યું હતું. એવું માનવામાં આવે છે કે ફ્રાન્સ 36 વધુ રાફેલ એરક્રાફ્ટની ખરીદી માટે ભારત સાથે વાતચીત કરવાની ઈચ્છા વ્યક્ત કરી રહ્યું છે. જણાવી દઈએ કે, ભારતમાં સ્વદેશી રીતે નિર્મિત પ્રથમ એરક્રાફ્ટ કેરિયર વિક્રાંતને આવતા વર્ષે ઓગસ્ટમાં ભારતીય નૌકાદળમાં સામેલ કરવાની યોજના છે.

PMને મળ્યા પહેલા રક્ષા મંત્રી રાજનાથ સિંહને મળ્યા હતા

ભારતની મુલાકાતે આવેલા ફ્રાન્સના સંરક્ષણ પ્રધાન ફ્લોરેન્સ પાર્લીએ વડા પ્રધાન નરેન્દ્ર મોદીને મળ્યા પહેલાં શુક્રવારે સંરક્ષણ પ્રધાન રાજનાથ સિંહ સાથે પણ મુલાકાત કરી હતી.

શહીદોને શ્રદ્ધાંજલિ આપી

આ પહેલા ફ્લોરેન્સ પાર્લી પણ નેશનલ વોર મેમોરિયલ પહોંચ્યા હતા. અહીં તેમણે શહીદોને શ્રદ્ધાંજલિ આપી હતી અને તેમને નમન કર્યા હતા.

Year Ender 2021 / કોરોનાનું આવું ભયાનકરૂપ, હે ભગવાન આવા દિવસો ફરી ના બતાવતો…!!!

Covid-19 cases / શાળામાં વકરતો કોરોના, આ જિલ્લામાં ત્રણ વિધાર્થી સહિત એક શિક્ષક થાય કોરોના સંક્રમિત

National / ગ્રુપ કેપ્ટન વરુણ સિંહને પત્નીનું આખરી સલામ કહ્યું,-

Life Management / શિષ્ય સારી મૂર્તિઓ બનાવતો હતો, છતાં ગુરુ તેને ટોકતાં હતા, એક દિવસ શિષ્યને ગુસ્સો આવ્યો અને..

ધર્મ / સૂર્યે રાશિ બદલી છે, હવામાન બદલાશે, મોંઘવારી ઘટી શકે છે, સ્વાસ્થ્ય સમસ્યાઓનો અંત આવશે

ધર્મ / POKમાં શરૂ થયું શારદા દેવી મંદિરનું નિર્માણ, આ ધાર્મિક સ્થળનો ઈતિહાસ 5 હજાર વર્ષ જૂનો છે