યુરોપમાં એક ફોન કોલ લીક થયો છે. આ લીક થયેલા કોલની વાતોએ યુરોપિયન નેતાઓમાં ટ્રમ્પને લઇને અસુરક્ષા અને અવિશ્વાસનો પર્દાફાશ કર્યો છે. જર્મન ચાન્સેલર ફ્રેડરિક મેર્ઝ વચ્ચે લીક થયેલો આ કોલે યુરોપિયન નેતાઓના રાષ્ટ્રપતિ ટ્રમ્પ પર અવિશ્વાસની હદ દર્શાવે છે.
જર્મન ચાન્સેલરનો ફોન કોલ થયો લીક
જર્મન ચાન્સેલર ફ્રેડરિક મેર્ઝ અને યુક્રેનિયન રાષ્ટ્રપતિ વોલોડીમીર ઝેલેન્સ્કી વચ્ચેનો ગુપ્ત કોલ અચાનક ચર્ચાનો વિષય બની ગયો છે. એક અહેવાલ મુજબ ખુલાસો થયો છે કે યુરોપના સૌથી શક્તિશાળી નેતાઓ અમેરિકા પર વિશ્વાસ કરવામાં ડરે છે. મેર્ઝનો અવાજ સ્પષ્ટ અને ચેતવણીજનક હતો. કોલમાં તે ઝેલેન્સ્કીને કહી રહ્યાં હતા કે,, “આગામી દિવસોમાં તમારે અત્યંત સતર્ક રહેવાની જરૂર છે… અમેરિકી તમારી સાથે અને અમારી સાથે રમત રમી રહ્યા છે.” તેમનું નિવેદન માત્ર ચેતવણી નહોતું, પરંતુ એક સંકેત હતું કે કંઈક ગંભીર બની રહ્યું છે, અને યુક્રેન તેના પરિણામો ભોગવી શકે છે.
આ કોલ પર ફક્ત જર્મની અને ફ્રાન્સ જ નહોતા. ફિનલેન્ડના રાષ્ટ્રપતિ એલેક્ઝાન્ડર સ્ટુબે પણ ચિંતા વ્યક્ત કરતા કહ્યું, “આપણે યુક્રેન અને વોલોડીમીરને આ લોકો સાથે એકલા છોડી શકીએ નહીં.”
ઝેલેન્સકીને કોઈપણ કિંમતે સુરક્ષિત રાખવા પડશે
નાટો સેક્રેટરી જનરલ માર્ક રુટે પણ અપીલ કરી હતી કે ઝેલેન્સકીને કોઈપણ કિંમતે સુરક્ષિત રાખવું જોઈએ, કારણ કે તે આ સમગ્ર સંઘર્ષનું કેન્દ્ર છે. પરંતુ પ્રશ્ન એ રહે છે: જો અમેરિકા પોતાનું વલણ બદલે તો યુરોપ શું કરી શકે?
જો કે આ લીક થયેલો કોલ ફક્ત વાતચીત નહોતો. તે પશ્ચિમી જોડાણની તૂટી રહેલી દિવાલોમાં ડોકિયું કરવાની તક હતી. યુરોપને ડર છે કે યુએસ યુક્રેનને “સુરક્ષા ગેરંટી” વિના રશિયા સાથે પ્રાદેશિક કરારમાં દબાણ કરી શકે છે. જો આવું થાય, તો તે ફક્ત યુક્રેન માટે હાર જ નહીં પરંતુ પશ્ચિમી એકતા માટે ગંભીર ફટકો હશે.
જર્મનીથી આવેલો આ એક ફોન કોલ યુનાઇટેડ સ્ટેટ્સ અને રશિયાના રસ્તાઓ પર ગુંજી રહ્યો છે. આ એક એવો ફોન કોલ છે જે ભવ્ય સ્ટેજ પર સ્મિત દર્શાવતા નેતાઓ પડદા પાછળ કેટલી ઊંડી ચિંતા અને અવિશ્વાસ રાખે છે તે દર્શાવે છે. અને આ વખતે નિશાન પર છે યુએસ પ્રમુખ ડોનાલ્ડ ટ્રમ્પ અને તેમની ટીમ. વાર્તા એક સામાન્ય દિવસે અસામાન્ય વાતચીતથી શરૂ થાય છે… અને પશ્ચિમી જોડાણમાં તિરાડો સાથે સમાપ્ત થાય છે.
આ પણ વાંચો: કેબિનેટ બેઠકમાં ડોનાલ્ડ ટ્રમ્પે આપ્યું મોટું નિવેદન, અમેરિકા ટૂંક સમયમાં વેનેઝુએલામાં કરશે જમીની હુમલો
આ પણ વાંચો: યુક્રેનના રાષ્ટ્રપતિ વોલોડીમીર ઝેલેન્સકીએ યુએસ કોંગ્રેસને સંબોધિત કરી : નો-ફ્લાય ઝોનની કરી માંગ
