અમેરિકી અને વેનેઝુએલા વચ્ચે ફરી એકવાર તણાવપૂર્ણ પરિસ્થિતિ સર્જાઈ રહી હોય તેવું લાગે છે. કેરેબિયન સમુદ્રમાં કથિત ડ્રગ તસ્કરો પર હુમલા પછી, અમેરિકા હવે ટૂંક સમયમાં વેનેઝુએલામાં જમીની કાર્યવાહી શરૂ કરવા જઈ રહ્યું છે. યુએસ રાષ્ટ્રપતિ યુએસ રાષ્ટ્રપતિ ડોનાલ્ડ ટ્રમ્પે મંગળવારે આ સંદર્ભમાં એક મોટું નિવેદન આપ્યું. તેમણે કહ્યું કે અમેરિકા ખૂબ જ ટૂંક સમયમાં વેનેઝુએલાની અંદર રહેતા ખરાબ લોકો પર હુમલો કરવાનું શરૂ કરશે.
ટ્રમ્પે વેનેઝુએલાના રાષ્ટ્રપતિ નિકોલસ માદુરોને ડ્રગ તસ્કર ગણાવ્યા છે અને તેમને પદ છોડવા માટે ચેતવણી આપી છે. દરમિયાન, માદુરોએ સંભવિત યુએસ લશ્કરી કાર્યવાહીને સરકારને બળજબરીથી ઉથલાવવાના પ્રયાસ તરીકે વર્ણવી છે.
જમીન પર પણ આ હુમલાઓ શરૂ કરવા જઈ રહ્યા છીએ
મંગળવારે કેબિનેટની બેઠક દરમિયાન ટ્રમ્પે કહ્યું, ‘અમે જમીન પર પણ આ હુમલાઓ શરૂ કરવા જઈ રહ્યા છીએ. “જમીન પર હુમલો કરવો ખૂબ જ સરળ છે. અમને ખબર છે કે તેઓ ક્યાં રહે છે. અને અમને ખબર છે કે ખરાબ લોકો ક્યાં રહે છે, જો કે, અમે ખૂબ જ ટૂંક સમયમાં તે કરવાનું શરૂ કરીશું.”
ટ્રમ્પની આ ટિપ્પણી એવા સમયે આવી છે જ્યારે તેમનું વહીવટીતંત્ર કેરેબિયનમાં કથિત ડ્રગ-દાણચોરી કરતી બોટ પર થયેલા હુમલાઓ અંગે સઘન તપાસનો સામનો કરી રહ્યું છે, જેમાં અત્યાર સુધીમાં 80 થી વધુ લોકો માર્યા ગયા છે.
યુએસ સૈન્ય પર એક શંકાસ્પદ ડ્રગ બોટ પર બે વાર હુમલો કરવાનો આપેક્ષ
યુએસ સૈન્ય પર 2 સપ્ટેમ્બરના રોજ કેરેબિયનમાં કાર્યરત શંકાસ્પદ ડ્રગ બોટ પર બે વાર હુમલો કરવાનો આરોપ છે. એહેવાલો મુજબ શરૂઆતના હુમલામાં બધા જ લોકો માર્યા ગયા ન હતા, પરંતુ ત્યારબાદ બીજો હુમલો થયો. આને ગંભીર માનવાધિકાર ઉલ્લંઘન માનવામાં આવી રહ્યું છે. ટ્રમ્પે બેઠકમાં સંરક્ષણ સચિવ પીટ હેગસેથનો બચાવ કરતા કહ્યું કે તેમને કે સંરક્ષણ સચિવને શંકાસ્પદ ડ્રગ બોટ પર બીજા હુમલાની કોઈ જાણકારી નહોતી.
શું અમેરિકા અને વેનેઝુએલા વચ્ચે યુદ્ધ થશે?
એરસ્પેસ બંધ કરવાની જાહેરાત બાદ, અમેરિકા વેનેઝુએલા પર હુમલો કરવાની તૈયારી કરી રહ્યું છે કે કેમ તે અંગે અટકળો તેજ થઈ ગઈ છે. હાલમાં, આ અટકળો પર અમેરિકા તરફથી કોઈ ટિપ્પણી કરવામાં આવી નથી. અમેરિકા સતત આરોપ લગાવતું આવ્યું છે કે વેનેઝુએલા દ્વારા અમેરિકાને ડ્રગ્સ સપ્લાય કરવામાં આવી રહ્યું છે. આ જ કારણ છે કે અમેરિકાએ છેલ્લા કેટલાક અઠવાડિયામાં કેરેબિયન સમુદ્રમાં હુમલાઓ વધુ તીવ્ર બનાવ્યા છે. અમેરિકાએ ત્યાં 20 થી વધુ જહાજો પર હુમલો કર્યો છે, જેમાં 80 થી વધુ લોકો માર્યા ગયા છે.
યુએસ રાષ્ટ્રપતિએ ગુરુવાર (27 નવેમ્બર, 2025) ના રોજ થેંક્સગિવીંગ ડે પર સૈનિકોને સંદેશ આપ્યો, જેમાં કહ્યું, “અમે તેમને જમીન પરથી કાબૂમાં લેવાનું શરૂ કરીશું. જમીન પર કામગીરી સરળ છે અને ખૂબ જ ટૂંક સમયમાં શરૂ થશે.” 15,000 લશ્કરી કર્મચારીઓ સાથે, યુએસ નૌકાદળના જહાજો, જેમાં વિમાનવાહક જહાજ યુએસએસ ગેરાલ્ડ ફોર્ડનો સમાવેશ થાય છે, મોટી સંખ્યામાં આ વિસ્તારમાં તૈનાત કરવામાં આવ્યા છે.
આ પણ વાંચો: ડોનાલ્ડ ટ્રમ્પે બાઇડેનના કાર્યકાળના 92% એક્ઝિક્યુટિવ ઓર્ડર અને દસ્તાવેજો રદ કર્યા
આ પણ વાંચો: યુનાઇટેડ સ્ટેટ્સના વ્હાઇટ હાઉસ હુમલા બાદ, ટ્રમ્પે તંત્રને 19 દેશોના ગ્રીન કાર્ડની સમીક્ષા કરવાનો આદેશ
આ પણ વાંચો: જો 27 નવેમ્બર સુધી યુક્રેન સંમત નહીં થાય, તો તેને શસ્ત્રો અને ગુપ્ત માહિતી મળશે નહીં: ટ્રપ
