Diet Guide:આપણા શરીરને ચલાવવા માટે પ્રોટીન અને વિટામિન્સની જેટલી જરૂર છે, તેટલી જ જરૂર ફાઈબર (Fiber) ની પણ છે. ફાઈબર એ એક પ્રકારનું કાર્બોહાઈડ્રેટ છે જે પચતું નથી, પણ પાચનતંત્રને સાફ રાખવાનું કામ કરે છે. તે કોલેસ્ટ્રોલ ઘટાડવામાં, બ્લડ સુગર કંટ્રોલ કરવામાં અને કબજિયાત દૂર કરવામાં રામબાણ ઈલાજ સમાન છે. જો તમે તમારા હૃદય અને પેટને સ્વસ્થ રાખવા માંગતા હોવ, તો આ 5 સુપરફૂડ્સને તમારા ડાયટમાં આજે જ સામેલ કરો.

ઓટ્સ (Oats- Fiber )

સવારના નાસ્તા માટે ઓટ્સ શ્રેષ્ઠ વિકલ્પ છે.

ફાયદા: તેમાં ‘બીટા-ગ્લુકેન’ નામનું સોલ્યુબલ ફાઈબર હોય છે, જે ખરાબ કોલેસ્ટ્રોલ (LDL) ને ઘટાડવામાં મદદ કરે છે. આ ઉપરાંત, તે બ્લડ સુગર લેવલને પણ સ્થિર રાખે છે. એક વાટકી ઓટ્સ ખાવાથી પેટ લાંબા સમય સુધી ભરેલું રહે છે, જે વજન ઘટાડવામાં મદદરૂપ છે.

કઠોળ અને દાળ (Lentils and Beans)

ભારતીય ભોજનમાં દાળ અને કઠોળનું વિશેષ મહત્વ છે.

ફાયદા: મગ, ચણા, રાજમા અને તુવેર દાળમાં ભરપૂર માત્રામાં પ્રોટીન અને ફાઈબર હોય છે. અઠવાડિયે 3-4 વાર કઠોળ ખાવાથી પાચનશક્તિ સુધરે છે અને હૃદયરોગનું જોખમ ઘટે છે.

ફળો (ખાસ કરીને જામફળ અને સફરજન)

ફળો કુદરતી મીઠાશ અને ફાઈબર (Fiber)નો ભંડાર છે.

ફાયદા: સફરજન છાલ સાથે ખાવું જોઈએ, કારણ કે તેની છાલમાં સૌથી વધુ ફાઈબર હોય છે. આ ઉપરાંત, જામફળ (Guava) પણ પાચન માટે ઉત્તમ છે. બેરીઝ અને નાસપતીમાં પણ સારા પ્રમાણમાં ફાઈબર મળી આવે છે.

લીલા શાકભાજી (Green Vegetables)

બ્રોકોલી, ગાજર અને પાલક જેવા શાકભાજી ફાઈબર (Fiber) થી ભરપૂર હોય છે.

ફાયદા: શાકભાજીમાં રહેલું ફાઈબર (Fiber) આંતરડામાં રહેલા સારા બેક્ટેરિયાનો ખોરાક છે. તે પેટને સાફ રાખે છે અને ગેસ-એસિડિટી જેવી સમસ્યાઓ થવા દેતું નથી.

સૂકા મેવા અને બીજ (Nuts and Seeds)

બદામ, પિસ્તા, અખરોટ અને ચિયા સીડ્સ (Chia Seeds).

ફાયદા: મુઠ્ઠીભર ડ્રાયફ્રૂટ્સ ખાવાથી શરીરને હેલ્ધી ફેટ્સ અને ફાઈબર બંને મળે છે. ચિયા સીડ્સ અને અળસી (Flax seeds) ને પાણીમાં પલાળીને લેવાથી કબજિયાતમાં મોટી રાહત મળે છે.

સ્વસ્થ જીવન માટે તમારી થાળીમાં ફાઈબરયુક્ત (Fiber)ખોરાકનું પ્રમાણ વધારો. આ નાના ફેરફારો તમને મોટી બીમારીઓથી બચાવી શકે છે.

આ પણ વાંચો: શું તમને પણ જલ્દી થાક લાગે છે અને વાળ ખરે છે? હોઈ શકે છે આયર્નની ઉણપ, જાણો તેના કારણો અને ઈલાજ

આ પણ વાંચો : સાવધાન: તમારા રસોડામાં જ છુપાયેલું છે કેન્સરનું જોખમ? આ 7 વસ્તુઓ ખાતા પહેલા સો વાર વિચારજો!

આ પણ વાંચો: શું BP ની દવાઓ તમારી કિડની ખરાબ કરે છે? જાણો કાર્ડિયોલોજિસ્ટ શું કહે છે?