High BP Risk: હાઈ બ્લડ પ્રેશર (Hypertension) ના દર્દીઓના મનમાં હંમેશા એક ડર રહેતો હોય છે – “હું રોજ આ દવાઓ ખાઈશ તો મારી કિડની ફેલ થઈ જશે.” આ ડરના કારણે ઘણા લોકો ડોક્ટરને પૂછ્યા વગર દવા ખાવાનું બંધ કરી દે છે અથવા અનિયમિત રીતે લે છે.

પરંતુ શું ખરેખર BPની ગોળીઓ કિડનીને નુકસાન કરે છે? દેશના ટોચના કાર્ડિયોલોજિસ્ટ્સ (હૃદય રોગ નિષ્ણાતો) એ આ અંગે ચોંકાવનારો ખુલાસો કર્યો છે અને સાચી હકીકત જણાવી છે.

દવા નહીં, પણ ‘હાઈ BP’ છે દુશ્મન

નિષ્ણાતોના મતે, આ એક બહુ મોટી ગેરમાન્યતા (Myth) છે કે દવાઓ કિડની બગાડે છે.

સત્ય: હકીકત એ છે કે બીપીની દવાઓ કિડનીને બગાડતી નથી, પણ સુરક્ષા (Protection) આપે છે. જો તમે દવા નથી લેતા અને તમારું બીપી સતત ઊંચું રહે છે, તો તે હાઈ પ્રેશર કિડનીની નાની નસોને ડેમેજ કરે છે, જેના કારણે કિડની ફેલિયર થાય છે. એટલે કે કિડની બગડવાનું કારણ દવા નહીં, પણ ‘અનકંટ્રોલ બીપી’ છે.

દવા અચાનક બંધ કરવી કેટલી જોખમી?

ઘણા દર્દીઓ બીપી (BP) નોર્મલ આવતા જ જાતે દવા બંધ કરી દે છે. આ ભૂલ જીવલેણ સાબિત થઈ શકે છે.

જોખમ: દવા અચાનક બંધ કરવાથી ‘રીબાઉન્ડ હાઈપરટેન્શન’ થઈ શકે છે. એટલે કે બીપી (BP) અચાનક એટલું વધી જાય છે કે તેનાથી બ્રેઈન હેમરેજ, હાર્ટ એટેક અથવા પેરાલિસિસનો હુમલો આવી શકે છે. કિડની પર પણ અચાનક લોડ આવે છે.

કિડની અને BPનું કનેક્શન

કિડની આપણા શરીરમાં ફિલ્ટરનું કામ કરે છે.

મિકેનિઝમ: જ્યારે બ્લડ પ્રેશર વધે છે, ત્યારે કિડનીની રક્તવાહિનીઓ સાંકડી અને કડક થઈ જાય છે. તેના કારણે કિડની સુધી લોહી બરાબર પહોંચતું નથી અને તે લોહીને ફિલ્ટર કરવાનું બંધ કરી દે છે. લાંબા ગાળે દર્દીને ડાયાલિસિસની જરૂર પડી શકે છે.

ડોક્ટરની સલાહ

જો તમને ડાયાબિટીસ હોય તો કિડની પર જોખમ બમણું થઈ જાય છે, તેથી BP કંટ્રોલમાં રાખવું અનિવાર્ય છે.

સોશિયલ મીડિયા પર ફેલાતી અફવાઓ પર ધ્યાન આપવાને બદલે તમારા ડોક્ટર પર ભરોસો રાખો.

નિયમિત દવા લો અને દર 6 મહિને કિડની ફંક્શન ટેસ્ટ (KFT) કરાવતા રહો.

બીપી (BP) ની દવા તમારી મિત્ર છે, દુશ્મન નહીં. તે તમને હાર્ટ એટેક અને કિડની ફેલિયર જેવી ગંભીર બીમારીઓથી બચાવે છે.