Gandhinagar News: એક તરફ લોકો પર આર્થિક બોજ વધી રહ્યો છે. મોંઘવારીને કારણે લોકો જાણી શકતા નથી કે કઈ વસ્તુઓ મોંઘી થઈ રહી છે. હવે ગુજરાતમાં જન્મ (Birth Certificate) અને મૃત્યુ પ્રમાણપત્ર (Death Certificate) મેળવવું મોંઘુ બનશે. કારણ કે, સરકારે જન્મ અને મૃત્યુ નોંધણી ફીમાં 10 ટકાનો મોટો વધારો લાગુ કર્યો છે. 27 ફેબ્રુઆરીથી જન્મ-મરણની નોંધણીમાં ફી વધારી દેવાનો નિર્ણય અમલમાં આવ્યો છે.
મરણનું પ્રમાણપત્ર બનાવવાની ફી 5 રૂપિયાથી વધારીને 20 રૂપિયા કરવામાં આવી છે. જ્યારે જન્મ પ્રમાણપત્ર માટે, જે પહેલા 10 રૂપિયા હતું તેના હવે 50 રૂપિયા ચૂકવવા પડશે.
પ્રાપ્ત માહિતી અનુસાર, ગુજરાત સરકારે જરૂરી જન્મ અને મૃત્યુ પ્રમાણપત્ર બનાવવાની ફીમાં વધારો કર્યો છે. આ ફીમાં વધારો 10 ટકા સુધીનો છે. પહેલા મૃત્યુ પ્રમાણપત્ર બનાવવાની ફી માત્ર 5 રૂપિયા હતી. જે સીધો વધારીને 20 રૂપિયા કરવામાં આવ્યો છે. એટલે કે, જન્મ પ્રમાણપત્ર મેળવવા માટે જે પહેલા 10 રૂપિયાનો ખર્ચ થતો હતો, હવે 50 રૂપિયા ચૂકવવા પડશે.
આ ઉપરાંત, સરકારે નોંધણી નિયમોમાં પણ કેટલાક ફેરફારો કર્યા છે. જો કોઈ વ્યક્તિ 30 દિવસની સમય મર્યાદા પછી જન્મ કે મૃત્યુ નોંધણી કરાવે છે, તો તેણે હવે લેટ ફી ચૂકવવી પડશે. પહેલા આ લેટ ફી માત્ર 10 રૂપિયા હતી, જેને વધારીને 50 રૂપિયા કરવામાં આવી છે. એટલું જ નહીં, જો નોંધણીમાં એક વર્ષથી વધુ સમય માટે વિલંબ થાય છે, તો 100 રૂપિયા ફી ચૂકવવી પડશે. આટલા વિલંબ સાથે નોંધણી કરાવવા માટે જિલ્લા મેજિસ્ટ્રેટની પરવાનગી લેવી પણ ફરજિયાત રહેશે.
આ પણ વાંચો:UCCમાં મિલકતની વહેંચણીના નિયમો બદલાયા, અમાન્ય લગ્નથી જન્મેલા બાળકો પણ મિલકતના હકદાર
આ પણ વાંચો:અમેરિકાના 22 રાજ્યોએ જન્મ અધિકાર નાગરિકતા મુદ્દે ટ્રમ્પ વિરુદ્ધ દાવો દાખલ કર્યો
આ પણ વાંચો:ઓછા ડ્રોપઆઉટ પરંતુ ઓછી નોંધણી: ભારતના શિક્ષણ લેન્ડસ્કેપનો સ્નેપશોટ
