લોકપ્રિય સોશિયલ મીડિયા પ્લેટફોર્મ ઇન્સ્ટાગ્રામ તેના યૂઝર્સ માટે એક ખૂબ જ વિશેષ સુવિધા લાવ્યું છે. આ સુવિધાની મદદથી યૂઝર્સ તાજેતરમાં ડિલીટ કરેલા ફોટા, વીડિયોઝ અને પોસ્ટ્સને પુન સ્થાપિત કરી શકશે. કંપનીએ આ માહિતી એક બ્લોગ દ્વારા આપી હતી. ચાલો જાણીએ કે યૂઝર સુવિધાનો ઉપયોગ કેવી રીતે કરશે.
ઇન્સ્ટાગ્રામના નવા ફીચરમાં Recently Deleted Folderમાં ડિલીટ કરેલા ફોટા-વીડિયો ઉપલબ્ધ હશે. આ ફીચરમાં સ્ટોરી માત્ર 24 કલાક સુધી રહેશે, પરંતુ મીડિયા ફાઇલ્સ 30 દિવસ સુધી આ ફોલ્ડરમાં રહેશે, નોંધનીય બાબત એ છે કે યૂઝર તેમની સ્ટોરી ફક્ત 24 કલાક માટે જ પાછી ખેંચી શકે છે, પછી આ ફોલ્ડરમાંથી અદૃશ્ય થઈ જશે. આટલું જ નહીં, આ સુવિધાની મદદથી, રીલ્સ અને આઇજીટીવી પણ રીસ્ટોર કરી શકશે.
આ રીતે સુવિધાનો ઉપયોગ કરો
ઇન્સ્ટાગ્રામ પર રિસેન્ટલી ડિલીટેડ ફોલ્ડર ફીચરને યૂઝ કરવા માટે તમારે એપ એપડેટ કરવી પડશે.
હવે એપ્લિકેશનની સેટિંગ્સ પર જઈને એકાઉન્ટ પર જાઓ.
આમ કર્યા પછી, તરત જ રિસેન્ટલી ડિલીટેડ ઓપ્શનને પસંદ કરો.
જો તમારું ઇન્સ્ટાગ્રામ એકાઉન્ટ હેકરો દ્વારા હેક કરવામાં આવ્યું છે, તો સુવિધા ખૂબ મદદરૂપ થશે. જો હેકર્સ તમારો ફોટો-વીડિયો વગેરે કા ઢી નાખે છે, તો પછી આ એપ્લિકેશન દ્વારા તમે ડિલીટ કરેલા ફોટાને આ સુવિધાથી રિસ્ટોર કરી શકશો
