ગોવા ફોરવર્ડ પાર્ટીના નેતા વિજય સરદેસાઈએ આરોપ લગાવ્યો કે મુખ્યમંત્રી અને રાજ્યના આરોગ્ય પ્રધાન વચ્ચેના વિવાદને કારણે લોકોનાં મોત નીપજ્યાં છે.
ગોવામાં ઓક્સિજનના અભાવે ગોવા મેડિકલ કોલેજ અને હોસ્પિટલમાં વધુ 13 દર્દીઓનાં મોત નીપજ્યાં. છેલ્લા ચાર દિવસમાં 75 દર્દીઓનાં મોત નીપજ્યાં છે. ગોવા સરકારે આ મામલાની તપાસ માટે ત્રણ સભ્યોની ટીમ બનાવી છે.
ગોવા ફોરવર્ડ પાર્ટીએ રાજ્યના મુખ્ય પ્રધાન પ્રમોદ સાવંત સામે ફરિયાદ કરી હતી. ગોવા ફોરવર્ડ પાર્ટીના નેતા વિજય સરદેસાઈએ આરોપ લગાવ્યો કે સીએમ અને આરોગ્ય પ્રધાન વચ્ચેના વિવાદને કારણે લોકોનાં મોત થયાં છે. તે જ સમયે, કોંગ્રેસે આખા મામલાને ધોળા દિવસે હત્યા ગણાવી છે.
રાજ્ય સરકારે જીએમસીએચમાં તાજેતરના મૃત્યુનાં વાસ્તવિક કારણો જાહેર કર્યા નથી, પરંતુ હાઈકોર્ટને જાણ કરવામાં આવી હતી કે ‘દર્દીઓને મેડિકલ ઓક્સિજનની સપ્લાયમાં પરિવહન સંબંધિત કેટલાક પ્રશ્નો છે.’ વરિષ્ઠ અધિકારીએ પુષ્ટિ કરી છે કે જીએમસીએચના જુદા જુદા કોવિડ -19 વોર્ડમાં, વધુ 13 દર્દીઓ શુક્રવારે વહેલી સવારે મૃત્યુ પામ્યા હતા.
છેલ્લા ચાર દિવસમાં હોસ્પિટલમાં મૃત્યુ પામેલા દર્દીઓની સંખ્યા 75 પર પહોંચી ગઈ છે. સત્તાવાર માહિતી અનુસાર, જીએમસીએચમાં મંગળવારે 26 દર્દીઓ, બુધવારે 21 દર્દીઓ, ગુરુવારે 15 દર્દીઓ અને શુક્રવારે 13 દર્દીઓ મૃત્યુ પામ્યા હતા.
મેડિકલ ઓક્સિજનના અભાવને કારણે જીએમસીએચમાં કોવિડ -19 દર્દીઓના મોતને લઈને હાઈકોર્ટ અનેક અરજીઓ પર સુનાવણી કરી રહી છે. હોસ્પિટલમાં દર્દીઓના મોત અંગે ગોવા ફોરવર્ડ પાર્ટીના પ્રમુખ વિજય સરદેસાઈએ કહ્યું હતું કે, શાસન વ્યવસ્થા બગડી ગઈ હોવાથી હાઈકોર્ટે રાજ્યનો વહીવટ પોતાના હાથમાં લેવો જોઈએ.
તે જ સમયે, ગોવા કોંગ્રેસના વડા ગિરીશ ચોદંકરે કહ્યું કે, જો રાજ્યના આરોગ્ય પ્રધાન કેમેરા પર કબૂલાત કરે છે કે તેઓ જાણતા હતા કે દરરોજ રાત્રે 2 થી 6 દરમિયાન દર્દીઓ મૃત્યુ પામે છે અને ગોવામાં દરરોજ 200 થી 300 જેટલા મૃત્યુ નોધાઇ રહ્યા છે. તો શા માટે તેમને કોઈ કાર્યવાહી નથી કરી ? આ સાથે તેમણે કહ્યું હતું કે અમે મુખ્યમંત્રી અને આરોગ્ય મંત્રી વિરુદ્ધ ફોજદારી કેસ દાખલ કરીશું અને જરૂર પડે તો અમે માર્યા ગયેલા નિર્દોષ લોકોને ન્યાય અપાવવા કોર્ટનો સંપર્ક કરીશું.
