ખાસ કરીને ખાદ્યપદાર્થોના ભાવમાં વધારાને ધ્યાનમાં રાખીને, કેન્દ્ર સરકારે ખાદ્યપદાર્થોના ભાવને અંકુશમાં લેવાના તેના પ્રયત્નોને તીવ્ર બનાવ્યાં છે. સેન્ટ્રલ ફૂડ મંત્રાલયે આ મહિનાના અંતમાં તમામ રાજ્યોના ખાદ્ય સચિવોની બેઠક બોલાવી છે. જેથી, ફુગાવાને દૂર કરવાના પગલાંને ધ્યાનમાં લઈ અમલી કરી શકાય છે. 27 મી જૂનના રોજ ખાદ્યપદાર્થોનાં ભાવ નિયંત્રણ બાબતે રાજ્ય સરકારો સાથે સારી સંકલન સાધવા માટે બેઠકનું આયોજન કરવામા આવ્યું છે. આપને જણાવી દઇઅ કે છેલ્લા એક મહિનામાં કઠોળ, શાકભાજી, ખાંડ અને ઈંધણના ભાવમાં વધારો થયો છે. સરકારના પ્રારંભિક પ્રયત્નો હોવા છતાં, મસૂર અને અન્ય ખાદ્ય ચીજવસ્તુઓના ભાવમાં વધારાનું વલણ ચાલુ રહ્યું છે. કઠોળના ભાવને અંકુશમાં લેવા સરકારે તૂર દાળની આયાત કરવાનું નક્કી કર્યું છે.

ખાદ્યા મંત્રાલયના વરિષ્ઠ અધિકારીએ જણાવ્યું હતું કે કઠોળના ભાવમાં વધારો જોવા મળી રહ્યો છે ત્યારે કઠોળોનો સ્ટોક કરવાની મર્યાદા નક્કી કરવી ખુબ જરૂરી બને છે. તૂર દાળની કિંમતમાં વધારો થવાથી સરકાર ત્રણ દિવસ પહેલા જ મોઝામ્બિક સાથેના કરાર હેઠળ આ વર્ષે 1.75 લાખ ટન તૂર દાળની આયાત કરવાનું નક્કી કર્યુ છે. તો સાથે સાથે કેન્દ્ર સરકાર દ્રારા પોતાનાં બફર સ્ટોકમાંથી બે લાખ ટન તૂર દાળને બજારમાં વેચવાનું નક્કી કર્યું છે.

આપને જણાવી દઇએ કે રિટેલ ફુગાવોમાં ભારે વધારો નોંધવામાં આવ્યો છે. આંકડા અનુસાર છૂટક ફુગાવો 2.92 ટકાથી વધીને 3.05 ટકા થયો છે. અગાઉ, છૂટક ફુગાવો ઓક્ટોબર 2018માં 3.38% હતો. એટલે કે છેલ્લા સાત મહિનામાં છૂટક ફુગાવો મે માં સૌથી ઊંચા સ્તરે જોવા મળ્યો છે. જો કે જથ્થાબંધ ફુગાવો  મામલે થોડી રાહત છે. જથ્થાબંધ ફુગાવો મે મહિનામાં 2.45 ટકા હતો. એપ્રિલમાં તે 3.07 ટકા હતું. જથ્થાબંધ ફુગાવો દર 22 વર્ષમાં સૌથી નીચો છે.

નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.