Entertainment News: બોલિવૂડ એક્ટર ગોવિંદા (Govinda) અને તેમની પત્ની સુનીતા આહુજા વચ્ચેના વિવાદે ફરી ચર્ચા જગાવી છે. સુનીતાના તાજેતરના નિવેદનો બાદ ગોવિંદાએ નારાજગી વ્યક્ત કરી અને પત્નીને જાહેરમાં નિવેદનો આપતી વખતે હદ જાળવવાની ચેતવણી આપી છે.

 ‘હદમાં રહો’ કહી Govindaનો જવાબ

સુનીતા આહુજાએ તાજેતરમાં ગોવિંદા તેની કો-એક્ટ્રેસ કોમલ રાની સ્વર્ણકાર (Komal Rani Swarnkar)સાથે જોવા મળ્યા બાદ તેમના સંબંધો અને ઉંમરને લઈને ટિપ્પણી કરી હતી. તેમણે ગોવિંદાને ‘શુગર ડેડી’ કહીને પણ સંબોધ્યા હતા. આ નિવેદનોથી નારાજ ગોવિંદાએ સુનીતાને ચેતવણી આપતા કહ્યું કે તેઓ જાહેરમાં આવા નિવેદનો આપતી વખતે હદમાં રહે. ગોવિંદાએ સાથે પોતાની કો-એક્ટ્રેસનો બચાવ પણ કર્યો અને કહ્યું કે બહારથી ફિલ્મ ઇન્ડસ્ટ્રીમાં આવનારા કોઈ વ્યક્તિને અપમાનિત કરવો યોગ્ય નથી.

કો-એક્ટ્રેસના બચાવમાં ઉતર્યો ગોવિંદા

ગોવિંદાએ કહ્યું કે જો કોઈ સામાન્ય કે ગરીબ પરિવારનો વ્યક્તિ ફિલ્મ ઇન્ડસ્ટ્રીમાં કામ કરવા આવ્યો હોય તો તેને આ રીતે બદનામ કે શરમજનક સ્થિતિમાં મૂકવો યોગ્ય નથી. તેમણે પોતાની કો-એક્ટ્રેસ માટે કહ્યું કે દરેક વ્યક્તિને પોતાની પ્રતિભાના આધારે આગળ વધવાની તક મળવી જોઈએ. ગોવિંદાએ એવો પણ દાવો કર્યો કે સુનીતાના કેટલાક નિવેદનો તેમના કામ અને બિઝનેસને નુકસાન પહોંચાડી શકે છે. તેમના કહેવા પ્રમાણે, તેમણે ફિલ્મનું કામ શરૂ કર્યું છે ત્યારે વારંવાર થતા આવા નિવેદનો તેમના માટે મુશ્કેલી ઊભી કરી રહ્યા છે.

‘શુગર ડેડી’ના ટેગ પર ગોવિંદા નારાજ

સુનીતાએ (Sunita Ahuja)ગોવિંદાની ઉંમર અને તેમની સાથે જોવા મળતી અભિનેત્રીને લઈને સવાલો ઉઠાવ્યા હતા. તેમણે ટિપ્પણી કરી હતી કે ગોવિંદા દીકરીની ઉંમરની છોકરી સાથે ફરી રહ્યા છે અને તેમને શરમ આવવી જોઈએ. આ ઉપરાંત સુનીતાએ કો-એક્ટ્રેસના ડ્રેસિંગ પર પણ ટિપ્પણી કરી હતી. તેમણે કહ્યું હતું કે જો ગોવિંદા તેના ‘શુગર ડેડી’ છે તો તેણે યોગ્ય કપડાં પહેરવા જોઈએ.

ગોવિંદાએ આ પ્રકારની ટિપ્પણીઓનો જવાબ આપતાં કહ્યું કે ફિલ્મ ઇન્ડસ્ટ્રી (Film industry)માં મોટા કલાકારો નવી અને ઓછી ઉંમરની અભિનેત્રીઓ સાથે કામ કરતા આવ્યા છે. તેમના મતે યુવા કલાકારો સાથે કામ કરવાથી કલાકારને સ્ક્રીન પર યુવાન દેખાવામાં મદદ મળે છે.

‘મા-બહેનની ગાળો આપવી યોગ્ય નથી’: ગોવિંદા

ગોવિંદાએ પોતાના નિવેદનના અંતમાં સુનીતાના શબ્દપ્રયોગને લઈને પણ નારાજગી વ્યક્ત કરી. તેમણે કહ્યું કે જાહેરમાં મા-બહેનને લઈને અપશબ્દોનો ઉપયોગ કરવો યોગ્ય નથી અને આવી ભાષા સમાજ માટે પણ શરમજનક સ્થિતિ ઊભી કરી શકે છે. આ સમગ્ર વિવાદ વચ્ચે ગોવિંદા અને સુનીતા આહુજાના સંબંધોને લઈને ફરી ચર્ચા શરૂ થઈ છે. બંને તરફથી આવેલા નિવેદનો બાદ સોશિયલ મીડિયા પર પણ આ મુદ્દો ચર્ચાનો વિષય બન્યો છે.

આ પણ વાંચો: “દીકરીની ઉંમરની છોકરીને લઈને ફરે છે…”: કથિત ગર્લફ્રેન્ડ સાથે ગોવિંદાને જોઈ પત્ની સુનિતાએ કર્યો પ્રચંડ કટાક્ષ

આ પણ વાંચો: ગોવિંદાએ સુનીતાના આરોપો પર તોડ્યું મૌન, કહ્યું- સંબંધોમાં દરેક વાત જાહેર કરવી જરૂરી નથી

આ પણ વાંચો: આત્મહત્યા કરવા સુધી પહોંચી ગયા હતા ગોવિંદા? માતાને ગુમાવવાનું દુઃખ કર્યું વ્યક્ત, કહ્યું- બાળકો માટે જીવવું છે