આણંદના જનતા કરમસદ ઓવરબ્રિજ ઉપર કાર અને લક્ઝરી બસ વચ્ચે અકસ્માત સર્જાયો હતો. અકસ્માતના પગલે કાર અને લક્ઝરી બસમાં આગ લાગી હતી.
આગ જોતજોતામાં બંને વાહનોમાં પ્રસરી જતાં બંને વાહનો બળીને ખાખ થઇ ગયા હતા. અકસ્માતની ઘટનામાં કાર ચાલક કારમાં જ બળીને ભડથું થઇ ગયો હતો.
સાથે સાથે ઘટનાની જાણ થતાં જ ફાયર બ્રિગેડની ટીમ સ્થળ ઉપર આવીને આગ ઉપર કાબુ મેળવ્યો હતો. શનિવારે રાત્રીના ત્રણ વાગ્યાની આસપાસ બનેલી આ ઘટનાના પગલે સ્થાનિક લોકો એકઠાં થઇ ગયા હતા.
સીએનજી કાર અને લક્ઝરી બસ વચ્ચે થયેલા અકસ્માતના પગલે બંને વાહનોમાં આગ ભભૂકી ઉઠી હતી. મળતી માહિતી મુજબ, કાર અને બસ સામસામે ધડાકાભેર અથડાતા આગ લાગી હતી.
