મહેસાણા જિલ્લાના છત્રાલ નજીક રાજપુર પાટીયા પાસે આવેલી એક કંપનીમાં આગ લાગી હોવાની ઘટના સામે આવી છે. ગઇકાલે રાત્રે લાગેલી આ આગ પર હજુ સુધી કાબુ મેળવવાના પ્રયાસો ચાલી રહ્યાં છે.
રાજપુર પાટીયા પાસે આવેલી શાકો ફ્લેક્સ નામની કંપનીમાં અચાનક જ આગ લાગી ગઈ હતી.જેને લઈને ફાયર બ્રિગેડને જાણ કરવામાં આવી હતી. જણાવીએ કે ફાયર બ્રિગેડ દ્વારા ગઇકાલ રાતથી જ આગ પર કાબુ મેળવવાના પ્રયાસો કરવામાં આવી રહ્યાં છે. જોકે, મહદઅંશે આગ કાબુમાં આવી છે પણ આગને સંપૂર્ણ કાબુમાં લેવાના પ્રયાસો ચાલુ છે.
આ ઘટનાને પગલે કડી, કલોલ અને મહેસાણાની ફાયર બ્રિગેડની ટીમો બોલવામાં આવો છે. સાથે જ કંપનીમાં ફાયર સેફ્ટીના સાધનોનો અભાવ હોવાનું જાણવા મળી રહ્યું છે.
મહત્વનું છે આ આગના કારણે સદનસીબે કોઈ જાનહાનિ થઈ નથી. આપને જણાવી દઈએ કે.છેલ્લા કેટલાક સમયથી ફાયર સેફ્ટીના અભાવના કારણે આગ લાગવાના બનાવો વધ્યા છે. જેને લઈને તંત્રએ પણ લાલ આંખ કરી છે.
