રાધનપુર,
રાધનપુરમાં મંતવ્ય ન્યૂઝ ચેનલનાં અહેવાલ બાદ તંત્ર સફાળું જાગ્યુ હતું, રાધનપુરમાં એક મહિલાના પતિન વીજ કરંટથી મોત નીપજ્યું હતુ અને તંત્રને અનેક રજૂઆત છતાં તેમની વાત કોઈ સાંભળી ન હતી. જો સરકાર તેમને સહાય નહીં આપે તો તેઓ પોતાના પુત્રો સાથે આત્મવિલોપન કરશે તેવી ચીમકી મહિલાએ ઉચ્ચારી હતી.
જો કે આ મહિલાની વેદનાને મંતવ્ય ન્યૂઝે વાચા આપતાં તંત્રે તાત્કાલિક સહાયની જાહેરાત કરી હતી. તંત્રે ન્યૂઝ પ્રસારિત થતાં મહિલાને ચાર લાખની સહાય આપવાની જાહેરાત કરી હતી અને તાત્કાલિક ધારાસભ્ય દિલિપ ઠાકોર દ્વારા આ મહિલાને સહાયનો ચેક આપવામાં આવ્યો હતો. મહિલાએ મંતવ્ય ન્યૂઝ ચેનલનો આભાર માન્યો હતો.
