રાજ્ય સરકારે કરોડો રૂપિયા ખર્ચીને ગુજરાત અને રાજસ્થાનની સરહદો પર અત્યાધુનિક ચેકપોસ્ટ બનાવવામાં આવી હતી. રાજ્યના શામળાજી, અબાનજી અને અમીરગઢ માં બનાવવામાં આવેલી આ ચેકપોસ્ટ્સ પર સીસીટીવી, કમ્પ્યુટર્સ, વાયર અને ટેબલ ચેર સહિતના અન્ય સાધનોની ખરીદી કરવામાં આવી હતી. સરકાર દ્વારા દિવાળી પર અચાનક આ પોસ્ટ્સ બંધ થતાં ચોરોએ કરોડો રૂપિયાના માલ ઉપર હાથ સાફ કરી દીધા હતા. અહીં સરકાર દ્વારા સુરક્ષા ગાર્ડને પણ હટાવી દેવામાં આવ્યા હતા.
રાજ્ય સરકારે અહીં રાજસ્થાન અને ગુજરાતની સરહદ પર લગભગ 10 ચેકપોસ્ટ બનાવી હતી. ત્યાંથી, પરિવહનકારો વિવિધ પ્રકારના ઉપયોગી આહાર અને ચીજોની હેરાફેરી કરતા હતા. કરચોરી સહિતની વિવિધ અસામાજિક પ્રવૃત્તિઓને અંકુશમાં લેવા માટે પોલીસ સહિત ખાનગી એજન્સીઓના સુરક્ષા ગાર્ડને આ ચેકપોસ્ટ્સ પર તૈનાત કરવામાં આવ્યા હતા. આ સુરક્ષા કર્મીઓ ચોવીસ કલાક ફરજ બજાવતા હતા.
રાજસ્થાન સરહદે શામળાજી, અંબાજી અને અમીરગઢના ચેકપોસ્ટ સહિત લગભગ 10 ચેકપોસ્ટ છે. અહીં આ ચેકપોસ્ટ્સ પર સીસીટીવી કેમેરા, વાયર, ટેબલ, ખુરશીઓ અને કોમ્પ્યુટર મૂકવામાં આવ્યા હતા. આ ચોકીઓ બંધ કર્યા બાદ સિક્યુરિટી ગાર્ડને પણ હટાવવામાં આવ્યા હતા.
આરટીઓ સુત્રોના જણાવ્યા અનુસાર રાજ્ય સરકારે તાત્કાલિક અસરથી આ ચેકપોસ્ટોને બંધ કરી દીધી છે. તેના અવેજીની વ્યવસ્થા નહોતી કરાઈ. આ ચેકપોસ્ટમાંથી સુરક્ષાકર્મીઓને હટાવ્યા બાદ કરોડો રૂપિયાના ફર્નિચર સહિતના આધુનિક સાધનો ચોરી ગયા છે. જો કે આરટીઓ કાર્યકરો આ અંગે કંઇ પણ કહેવાનો ઇનકાર કરી રહ્યા છે.
દરમિયાન, ટ્રાન્સપોર્ટ કમિશનર રાજેશ મંજુએ કહ્યું કે, આ સમગ્ર મામલો રાજ્ય સરકારમાં વિચારણા હેઠળ છે. જ્યારે ઇન્સ્પેક્ટર એસોસિએશને આ અંગેની પરિસ્થિતિથી પરિવહન સચિવને જાગૃત કરવાનો નિર્ણય લીધો છે. આ મામલે તપાસ કરવામાં આવી રહી છે. આ મામલે હજુ સુધી કોઈ ધરપકડ થઈ નથી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
